Wanawake 100 wa BBC 2021

  • Lima Aafshid

    Afghanistan Mshairi

    Mshindi wa tuzo ya Ushairi na mwandishi, ambaye mashairi na makala zake zinapinga mila za mfumo dume katika utamaduni wa Afghanistan.

    Baada ya kusomea uandishi wa habari, Lima Aafshid amefanya kazi kama ripota wa kujitegemea na mchambuzi wa masuala ya kijamii kwa zaidi ya miaka mitano.

    Yeye pia ni mwanachama wa Sher-e-daneshgah, Chama cha washairi cha Chuo Kikuu cha Kabul, ambacho kilitumia mitandao kurusha mashairi yao wakati wa janga kusaidia wanachama wake zaidi ya 200 kudumisha hali ya jamii licha ya janga hilo la kiafya.

    *Anguko la Afghanistan ni kama kuzama tena kwenye tope lile lile tulilohangaika nalo kwa miaka ishirini. Nina matumaini, hata hivyo, kwamba tunaweza kuinuka kama tawi, tukifikia nuru kwenye giza la msitu.

  • Halima Aden

    Kenya Mhisani na mwanamitindo wa zamani

    Ni mwanamitindo wa kwanza anayevalia hijab Halima Aden ni wa asili ya Kisomali lakini alizaliwa katika kambi ya wakimbizi Kenya .Mwaka wa 2017alijisajili na mojawapo ya kampuni kubwa za fani hiyo IMG models iliyokuwa na kipengee kwamba hatotakiwa kuvua hijab yake

    Mwanamitindo kwa kwanza kuvalia hijab katika ukurasa wa jarida la British Vogue,Allure na Sports Illustrated.Aden alifanya kampeni kutambuliwa kwa kwa wanawake wa kiislamu na alikuwa balozi wa Unicef kuhusu haki za watoto

    Mwaka wa 2020 alijiondoa kutoka uanamitindo kwa sababu alipata kwamba hauambatani na imani yake ya kiislamu lakini bado anazidi kutoa mchango kwa fani hiyo na zaidi

    *Tumewaona wafanyikazi walio mstari wa mbele wakipitia mambo magumu ili kuhakikisha tupo salama wakati wa janga na naomba tushukuru kwa kujitolea kwao.Tunaweza kubadilisha ulimwengu kwa kuonyesha shukrani

  • Oluyemi Adetiba-Orija

    Nigeria Mwanzilishi - Headfort Foundation

    Mwanasheria wa makosa ya jinai na mwanzilishi wa kampuni ya mawakili ya wanawake wote ya Headfort Foundation, ambayo inatoa huduma za kisheria za pro-bono.

    Wakiwa mjini Lagos, timu ya wanasheria ya watu wanne inatembelea magereza ili kuwasaidia wafungwa maskini na waliofungwa kimakosa ambao hawawezi kupata dhamana, pamoja na raia wanaostahimili vizuizi vya muda mrefu kabla ya kesi yao kuanza kusikilizwa (nchini Nigeria, wale wanaosubiri kusikilizwa kesi zao ni takriban 70% ya idadi ya wafungwa). Oluyemi Adetiba-Orija na timu yake wanaangazia wahalifu walio chini ya umri, na kuwapa nafasi nyingine ya kuishi nje ya gereza.

    Tangu ilipoanza kufanya kazi mwaka wa 2018, taasisi hiyo imetoa msaada wa kisheria bila malipo kwa zaidi ya watu 125 wanaoshtakiwa kwa makosa madogo.

    *Ili ulimwengu uweke upya, sote tuna jukumu la kutekeleza! Ongea, tetea na uunge mkono sababu nzuri, kuhakikisha uhuru na usalama kwa ulimwengu.

  • Muqadasa Ahmadzai

    Afghanistan Mwanaharakati wa kijamii na kisiasa

    Aliratibu mtandao wa zaidi ya wanaharakati vijana wa kike 400 kutoka mkoa wa Nangarhar, mashariki mwa Afghanistan, kusafiri hadi wilaya za karibu na kusaidia manusura wa unyanyasaji wa nyumbani.

    Kama mwanaharakati wa kijamii na kisiasa, Muqadasa Ahmadzai amejitwika jukumu la kuunga mkono wanawake na jamii zao licha ya kuenea kwa taarifa potofu wakati wa janga la Covid-19. Yeye ni mjumbe wa zamani wa Bunge la Vijana la Afghanistan, ambapo alitetea haki za wanawake na watoto.

    Mnamo mwaka wa 2018, alipata Tuzo za N-Peace, zilizotolewa na Mpango wa Maendeleo wa Umoja wa Mataifa kwa wanawake bora katika kujenga amani na kutatua migogoro.

    *Sijawahi kupata mabadiliko ya ghafla kama haya - kana kwamba hakuna serikali iliyokuwepo hapo awali. Sasa tumaini letu pekee ni kwa kizazi kipya kujaza mapengo na kurekebisha mfumo, lakini hilo litawezekana tu kwa msaada wa kimataifa.

  • Rada Akbar

    Afghanistan Msanii

    Misogyny na ukandamizaji wa wanawake ni kiini cha kazi ya msanii huyu wa kuchora wa Afghanistan. Rada Akbar daima ametumia sanaa kama njia ya kuzungumza na kuwapa wanawake mwonekano wanaostahili katika jamii.

    Tangu 2019, amekuwa akiandaa maonyesho ya kila mwaka ya 'Superwomen' (Abarzanan) kuadhimisha Siku ya Wanawake Duniani mnamo 8 Machi na kusherehekea mchango wa wanawake katika historia ya nchi yake. Hadi hivi karibuni, alikuwa akipambana kufungua makumbusho ya historia ya wanawake huko Kabul au mahali pengine.

    Anaamini sanaa yake inasaidia kukemea sheria za kijamii zinazowakandamiza wanawake hasa kwenye maadili ya kisiasa, kiuchumi na kidini.

    *Afghanistan na raia wake wamedhulumiwa na kugeukwa na watu wenye msimamo mkali na viongozi wa dunia kwa miongo kadhaa. Lakini hatujawahi kuacha kufanya kazi kwa nchi inayoendelea na tutaishi katika Afghanistan huru na yenye mafanikio tena.

  • Abia Akram

    Pakistan Kiongozi wa walemavu

    Akiwa mwenye ni mlemavu Abia Akram amekuwa mwanaharakati tangu 1997 wakati akiwa mwanafunzi alipoanzisha mpango wa Special talent Exchange Program

    Ni mwanamke wa kwanza kutoka Pakistan kuteuliwa kuwa mratibu wa jumuiya ya madola ya ukumbi wa vijana wenye ulemavu .Akram ni mwanzishi wa vuguvugu la kitaifa la wanawake wenye ulemavu na alifantyia kampeni utekelezwaji wa mkataba wa umoja wa mataifa kuhusu haki za watu wenye ulemavu na maendeleo jumuishi

    Anajitahidi kujumuisha ulemavu katika ajenda ya Umoja wa mataifa ya 2030 ya malengo ya ustawi endelevu

    *Ili kubadilisha ulimwengu baada ya janga la Covid 19 tunafaa kushirikiana kuboresha kila sekta ya jamii zetu ambayo 'hali mpya ya kawaida' itajengwa na tunafaa kushuhudia maendeleo jumuishi kama matokeo yake

  • Leena Alam

    Afghanistan Muigizaji

    Mshindi wa tuzo za televisheni, mwigizaji wa filamu na maigizo na mwanaharakati wa haki za binadamu Leena Alam anajulikana kwa kuonekana katika maonyesho ya televisheni ya wanawake nchini Afghanistan kama vile Shereen na Killing of Farkhunda, ambayo yalielezea simulizi ya mwanamke wa Afghanistan ambaye alishtakiwa kwa uongo kwa kuchoma Quran na aliuawa hadharani na kundi la watu wenye hasira.

    Alam alikimbia Afghanistan katika miaka ya 1980 na sasa anaishi Marekani lakini ameendelea kusimulia msuala ya nchi yake.

    Mwaka 2009 aliteuliwa kuwa balozi wa amani wa Misheni ya Usaidizi ya Umoja wa Mataifa nchini Afghanistan.

    *Ilituchukua miongo kadhaa kujenga upya kwa damu nyingi na kwa kujitoa. Kuitazama ikianguka chini kwa kufumba na kufumbua ni jambo la kuvunja moyo, lakini mapambano lazima yaendelee, wakati huu kwa misingi imara.

  • Dr Alema

    Afghanistan Mwanafalsafa na mwanaharakati

    Msomi mashuhuri katika falsafa na sayansi ya jamii, Dk Alema alikuwa naibu waziri wa haki za binadamu na mashirika ya kiraia katika Wizara inayoshughulikia amani. Yeye pia ni mwanzilishi wa Kamati huru ya Ushiriki wa Kisiasa ya Wanawake na mtetezi wa haki za wanawake.

    Akiwa na shahada ya uzamivu katika falsafa kutoka Ujerumani, Dk Alema ana uzoefu wa zaidi ya miaka 20 katika uchanganuzi wa migogoro.

    Ameandika vitabu kuhusu uhusiano wa kimataifa wa Ujerumani na Afghanistan na uwezeshaji wa wanawake nchini Afghanistan, na pia ni mkufunzi wa kitaalamu na msimamizi wa sheria za kibinadamu akilenga wakimbizi, wahamiaji, na watu waliokimbia makazi yao.

    *Ndoto yangu ni kwa Afghanistan huru na ya kidemokrasia ambamo haki za kiraia zinalindwa kwa msingi wa katiba ya kisasa, na ambapo kuhakikisha haki ya wanawake kushiriki katika nyanja zote za maisha kama raia sawa.

  • Sevda Altunoluk

    Uturuki Mcheza goalball wakulipwa

    Akiwa na matatizo ya kuona tangu kuzaliwa, Sevda Altunoluk ni mchezaji wa kulipwa wa goalball (mchezo ambao timu za wachezaji watatu wenye ulemavu wa kuona au waliozibwa macho hurusha mpira uliopachikwa kwa kengele kwenye wavu wa wapinzani wao).

    Mara nyingi huchukuliwa kuwa mchezaji bora wa goalball duniani, amekuwa mfungaji bora katika Michezo miwili ya Paralympic, ubingwa wa dunia mara mbili na ubingwa wa nne wa Uropa. Altunoluk alisaidia timu ya wanawake ya Uturuki kushinda medali ya dhahabu kwenye Michezo ya Olimpiki ya Walemavu huko Rio 2016 na Tokyo 2020.

    Mzaliwa wa Tokat, Anatolia, alimaliza shahada ya elimu ya mwili huko Ankara.

    *Ulemavu haupaswi kuonekana kama kikwazo, lakini uonekane kama fursa ya kujieleza.

  • Wahida Amiri

    Afghanistan Mkutubi na mandamanaji

    Mtunza maktaba na mpenzi wa vitabu, Wahida Amiri ni mhitimu wa sheria na mandamanaji. Wakati kundi la Taliban lilipochukua mamlaka nchini Afghanistan, hakuweza tena kufanya kazi katika maktaba yake hivyo aliingia katika mitaa ya Kabul - na alijumuika na wanawake wengine wengi katika maandamano ya pamoja kuomba jumuiya ya kimataifa kuunga mkono haki za wanawake wa Afghanistan kufanya kazi na kufanya kazi. kupata elimu.

    Tangu Taliban kuharamisha maandamano, Amiri amekusanyika na wanawake wengine ili kuhamasisha usomaji na majadiliano.

    Maktaba yake imekuwa ikifanya kazi tangu 2017 na Amiri anasema kwamba bila vitabu vyake, amepoteza utambulisho wake

    *Ulimwengu haukutuheshimu kama wanadamu. Lakini, Afghanistan inapopitia uharibifu, tunafufua matumaini kupitia maandamano, kudai haki na kuhimiza usomaji wa vitabu.

  • Monica Araya

    Costa Rica Mwanaharakati wa usafiri usiokuwa na uchafuzi

    Kama mtaalam wa mabadiliko ya tabia nchi anayefanya kazi kufanikisha uhamisho hadi usafiri usiochafua mazingira Monica Araya ameongoza kampeini katika maeneo ya Amerika na Ulaya ikiwemo jitihada za kiraia 'Costa Rica Limpia' iliyosaidia nchi yake kujiweka katika nafasi bora duniani katika kawi mbadala

    Araya ni mshauri maalum wa Mwanaharakati mkuu wa UN kuhusu tabia nchi kuhusu masuala ya uchukuzi.Pia ni mshauri wa RouteZero-kampeni ya kukomesha kabisa uchafuzi wa hewa kupitia uchukuzi ni mshiriki mashuhuri katika wakfu wa ClimateWorks Foundation

    Mazungumzo yake katika kipindi cha TedTalks yametazamwa kwa takriban mara milioni nne na yametafsiriwa kwa lugha 31.Mwaka wa 2016 Araya alijiunga na msafara wa wanawake pekee kuzuru Antarctica

    *Ni wakati wa kuweka upya kile tunachokiona kama ‘kawaida’. Kupunguza mahitaji yetu ya petroli na dizeli ni muhimu, na kutasaidia kujenga uungwaji mkono wa kisiasa kwa mabadiliko mengine yanayohitajika sana katika jamii.

  • Natasha Asghar

    Uingereza Mbunge wa bunge la Wales

    Aliweka historia mwaka huu alipokuwa mwanamke wa kwanza wa rangi kuchaguliwa katika Bunge la Senedd au Wales tangu lilipoundwa, mwaka wa 1999.

    Mwanachama wa chama cha Conservative na mbunge wa eneo la Wales Kusini Mashariki, Natasha Asghar ni waziri kivuli wa uchukuzi na teknolojia. Anatumai kuzindua kadi ya kusafiri ambayo itawahimiza wenyeji na watalii huko Wales kutumia usafiri wa umma na kukuza uchumi.

    Kabla ya kujiunga na siasa, alifanya kazi kama benki, mtangazaji wa TV na DJ wa redio, na ameandika vitabu viwili.

    *Kwa pamoja, lazima tusafiri njia ngumu ya kuelekea kwenye hali mpya ya kawaida na kushika fursa zinazotolewa ili kuboresha maisha na kufanya kazi zetu kuanzia sasa.

  • Zuhal Atmar

    Afghanistan Mjasiriamali, Kiwanda cha kuchakata taka cha Gul-e-Mursal

    Kiwanda cha kwanza cha kuchakata taka za karatasi nchini Afghanistan, Gul-e-Mursal, kilianzishwa na mfanyabiashara Zuhal Atmar. Akiwa na historia ya uchumi na biashara, alianzisha kiwanda kinachoongozwa na wanawake huko Kabul mwaka wa 2016. Kimetengeneza nafasi za kazi 100, 30% ambazo zimekwenda kwa wanawake, kutoka kiwandani hadi masoko.

    Kiwanda kinakusanya taka za karatasi kutoka kwenye NGOs na kuchakata takriban tani 35 za karatasi kwa wiki, na kuzirejelea kuwa toilet paper ambazo zinauzwa kote nchini.

    Atmar amekuwa akizungumzia ugumu kwa wanawake kupata usaidizi wa kifedha wanaohitaji kuanzisha na kuendesha biashara nchini Afghanistan.

    *Je, mustakabali unaonekanaje? Ndoto, malengo na matumaini ya vijana na wanawake yameharibiwa.

  • Marcelina Bautista

    Mexico Kiongozi wa Muungano

    Mfanyakazi wa ndani wa zamani, Marcelina Bautista ni mkurugenzi wa kituo cha usaidizi na mafunzo cha wafanyikazi wa nyumbani cha Mexico (CACEH), ambacho alianzisha miaka 21 iliyopita. Anafanya kampeni kupata haki, kama vile mishahara ya haki na likizo ya ugonjwa, inayofurahiwa na wafanyikazi wengine, na kuboresha hali yao ya kijamii.

    Mpango wake unachanganya elimu kwa wafanyakazi, waajiri na wanajamii. Bautista alihusika kikamilifu katika mazungumzo ambayo yalipelekea serikali ya Mexico kujiunga rasmi na mkataba wa kimataifa wa kazi unaowalinda wafanyakazi wa nyumbani dhidi ya unyonyaji, vurugu na mazingira yasiyo salama ya kazi.

    Alitunukiwa tuzo ya kimataifa ya haki za binadamu kutoka kwa Friedrich-Ebert-Stiftung nchini Ujerumani mwaka wa 2010.

    *Kubadilisha ulimwengu kunamaanisha kubadilisha hali za mamilioni ya wafanyikazi wa nyumbani, haswa wanawake, wanaofanya kazi nyumbani huku wengine wakiendeleza taaluma. Ukosefu huu wa usawa wa kijamii utaisha tu wakati kazi ya ndani itapata kutambuliwa inavyostahili.

  • Crystal Bayat

    Afghanistan Mwanaharakati

    Mwanaharakati wa kijamii na mtetezi wa haki za binadamu Crystal Bayat anajulikana kwa maandamano yake dhidi ya kushika hatamu kwa Taliban mwaka 2021.

    Alikuwa mmoja wa wanawake saba walioandaa maandamano mjini Kabul Agosti 19i, Siku ya Uhuru nchini Afghanistan. Bayat alianza shahada yake ya uzamivu katika usimamizi wa siasa mwaka huu, lakini mpango huo ulikatizwa wakati Taliban ilipochukua udhibiti wa nchi.

    Kwa sasa anaishi Marekani, ambako anaendelea na mapambano ya kutetea mafanikio ya haki za binadamu nchini Afghanistan. Pia anatarajia kumaliza shahada yake ya uzamivu na kuandika kitabu.

    *Nataka kuwa sehemu ya mabadiliko yoyote ya kidemokrasia ya baadaye nchini Afghanistan. Ndoto yangu ni kuhutubia katika Umoja wa Mataifa, kwa sababu ninaamini ulimwengu unahitaji kusikia nini Waafghanistan, hasa wanawake, wanataka kusema.

  • Razia Barakzai

    Afghanistan Mwanadamanaji

    Baada ya kufanya kazi kwa serikali katika ikulu ya rais na nyadhifa mbalimbali kwa miaka kadhaa, Razia Barakzai alijikuta hana kazi mara baada ya Taliban kuchukua mamlaka nchini Afghanistan.

    Tangu wakati huo amekuwa akishiriki kikamilifu katika maandamano huko Kabul ambayo yameshuhudia wanawake wengi wakiingia mitaani kudai haki ya kufanya kazi na kupata elimu. Pia alikuwa mmoja wa wanawake waliounga mkono kauli mbiu ya #AfghanWomenExist, ambayo inaangazia ukweli kwamba hofu inawafukuza wanawake wa Afghanistan kutoka kwa mitandao ya kijamii.

    Barakzai ana shahada ya Sheria na Sayansi ya Siasa na MBA. Katika barua aliyoiandikia BBC kuhusu uzoefu wake wa kufanya kampeni, anasema: "Kufa kwa ajili ya uhuru ni afadhali kuliko kuishi utumwani."

    *Wasomi na vijana wa nchi - hasa wanawake wajasiri, wapiganaji wa Afghanistan - siku moja watakuwa wabeba bendera wa uhuru. Ninaona hii kila siku kupitia maandamano mitaani.

  • Nilofar Bayat

    Afghanistan Mcheza kikapu anayetumia baiskeli ya magurudumu

    Nahodha wa timu ya taifa ya mpira wa kikapu ya magurudumu na mtetezi maarufu wa wanawake wenye ulemavu, Nilofar Bayat alikimbia Afghanistan na kutorokea Taliban. Yeye na mumewe Ramish, ambaye pia ni mchezaji wa kiti cha magurudumu, wote walikuwa wafanyakazi wa Shirika la Kimataifa la Msalaba Mwekundu.

    Alipokuwa na umri wa miaka nyumba yao ya familia ilipigwa na bomu, na kumuua kaka yake na kumjeruhi uti wa mgongo. Bayat alicheza mechi yake ya kwanza ya mpira wa kikapu katika uwanja wa wazi katikati ya Kabul, eneo muhimu kwa wanamichezo wanawake nchini Afghanistan. Amekuwa akiwasemea wakimbizi wanaokimbia nchi yake na kuanzisha chama cha wanawake wa Afghanistan.

    Bayat ana matumaini ya kucheza mpira wa kikapu tena.

    *Natumaini mambo yameisha Afghanistan na sisi hatulipi gharama za vita hata kwa mara nyingine. Natumaini kuona tabasamu kwenye nyuso za watu wangu.

  • Jos Boys

    Uingereza Msanifu majengo

    Mkurugenzi mwenza wa The DisOrdinary Architecture Project, ambayo huwaleta pamoja wasanii walemavu ili kuvumbua kuhusu ufikiaji na ushirikishwaji katika muundo wa mazingira yetu yaliyojengwa.

    Akichanganya kazi yake kama mbunifu na uanaharakati wake, Jos Boys alianzisha Muungano wa Usanifu wa Kifeministi wa Matrix katika miaka ya 1980 na ni mmoja wa waandishi wa Making Space: Women and the Man Made Environment. Amefanya kazi kama msomi katika taasisi nyingi za kimataifa, akichunguza mazoea ya anga ya wanawake ili kutoa changamoto kwa mawazo ya ubunifu katika muundo wa usanifu.

    Katika taaluma iliyochukua miaka 40, amekuza ufahamu wa jinsi mazoea yetu ya kila siku ya kijamii yanaweza kutumika kusaidia watu wenye ulemavu.

    *Tunahitaji kukazia nguvu mbalimbali kwa walemavu na watu wengine waliotengwa katika kipindi cha mwaka jana, tukitambua hili kama njia bunifu ya kuweka upya mazingira yetu yaliyojengwa kama nafasi za kuthaminiana pamoja na kutegemeana.

  • Catherine Corless

    Ireland Mwanahistoria

    Mwanahistoria huyo mahiri alichunguza vifo vya watoto 796 katika Nyumba ya Mama na Mtoto ya Bon Secours huko Galway, akifanya utafiti wa miaka mingi ambao ulisaidia kufukua kaburi la watu wengi katika eneo la taasisi ya zamani ya Ireland ya akina mama ambao hawajaolewa, ambapo mamia ya watoto wachanga walikuwa wametoweka. bila ushahidi wa kuzikwa kwao, kati ya miaka ya 1920 na 1950.

    Mwaka huu, ripoti iliyosubiriwa kwa muda mrefu kuhusu taasisi hizi, inayoendeshwa zaidi na watawa wa Kikatoliki, iligundua "kiwango cha kutisha cha vifo vya watoto wachanga" kutokana na magonjwa mbalimbali, na kusababisha kuomba msamaha kutoka kwa serikali ya Ireland.

    Corless amepokea Tuzo ya Haki za Kibinadamu ya Bar of Ireland kwa kutambua 'huduma yake ya kipekee ya kibinadamu'.

    *Kama ningeweza kuweka upya ulimwengu, ningefuta neno "aibu". Kamusi inafafanua kama "hisia chungu ya kufedheheshwa, hisia kwamba nafsi yako yote ni mbaya". Ni neno la herufi tano linalotumia nishati ya atomiki.

  • Faiza Darkhani

    Afghanistan Mwanamazingira

    Mmoja wa watu wachache wanaofanya kazi katika sekta ya mabadiliko ya hali ya tabia nchi nchini Afghanistan, Faiza Darkhani ni profesa msaidizi na mkurugenzi wa zamani wa Shirika la Kitaifa la Ulinzi wa Mazingira katika jimbo la Badakhshan. Yeye pia ni mtetezi wa sauti wa haki za wanawake.

    Darkhani alihitimu kutoka Chuo Kikuu cha Putra Malaysia na shahada ya Uzamili katika Usanifu wa Mazingira. Ameandika utafiti juu ya usimamizi endelevu wa mazingira ya mijini na mbinu bunifu kama vile kilimo cha wima kwa ajili ya uzalishaji wa chakula katika miji yenye watu wengi.

    Anaamini katika kuongeza uelewa wa umma kuhusu ulinzi wa mazingira na kutekeleza mipango endelevu inayolenga wanawake.

    *Kujitofautisha na umati ni uamuzi wa kijasiri. Lazima ufuate ndoto zako na kuzigeuza kuwa uhalisia, na ndoto yangu ni kuwa na mazingira safi na salama, yasiyo na vita na kila aina ya uchafuzi wa mazingira.

    Makala zinazohusiana

  • Azmina Dhrodia

    Canada Uongozi wa sera ya usalama - Bumble

    Mtaalamu wa masuala ya jinsia, teknolojia na haki za binadamu, Azmina Dhrodia kwa sasa anasimamia sera ya usalama inayoongoza kwa programu ya mahusiano ya Bumble. Aliandaa barua ya wazi mnamo Julai 2021, iliyosainiwa na wanawake wenye ushawishi zaidi ya 200, kutaka hatua madhubuti zichukuliwe za kukabiliana na unyanyasaji kwenye mitandao ya kijamii.

    Yeye pia ni mwandishi wa Toxic Twitter: Violence and Abuse Against Women Online, ripoti kuhusu unyanyasaji wa kijinsia.

    Hapo awali Dhrodia alifanya kazi kwenye masuala ya jinsia na haki za data kwenye taaasisi a the World Wide Web Foundation na makampuni mbalimbali ya kiteknolojia ili kulinda salama mtandaoni kwa wanawake na jamii zilizotengwa

    *Nataka ulimwengu ambapo nafasi za mtandaoni huzingatia uzoefu wa wanawake walivyo: ulimwengu ambapo wanawake, hasa wanawake walio na utambulisho tofauti, wanaweza kutumia mitandao kwa usawa, kwa uhuru na bila woga.

  • Pashtana Durrani

    Afghanistan Mwalimu - Learn Afghanistan

    Mwanzilishi na mkurugenzi mtendaji wa Jifunze Afghanistan, Pashtana Durrani ni mwalimu aliyejitolea kwa uvumbuzi katika elimu akizingatia haki za wasichana. Learning imeanzisha shule huko Kandahar na kutoa mafunzo ya ualimu na ushauri wa wanafunzi.

    Kupitia programu ya Rumie, ambayo inaruhusu wanaojifunza kutumia dakika sita, uzoefu wa kwanza wa simu, shirika huwasaidia wasichana kupata rasilimali za kitaaluma, video na michezo ya elimu. Pia inatoa mafunzo kwa wanawake katika maeneo ya vijijini kuhudumu kama wakunga.

    Durrani ni Mwakilishi wa Vijana wa Afghanistan katika Umoja wa Mataifa na mpokeaji wa Tuzo ya Bingwa wa Elimu ya Malala Fund kwa juhudi zake za kuwezesha upatikanaji wa elimu kwa wasichana wa Afghanistan.

    *Inashangaza jinsi ulimwengu unavyotaka kutuweka chini kwa jinsi tulivyo. Lakini haijalishi tumeumia kiasi gani, tumejeruhiwa na tumejeruhiwa kiasi gani, tutavumilia - haijalishi barabara ni ndefu kiasi gani.

  • Najla Elmangoush

    Uingereza Waziri wa Mambo ya Nje wa Libya

    Waziri wa mambo ya nje wa kwanza mwanamke wa Libya, aliyeteuliwa mwaka huu, pia ni mwanadiplomasia na mwanasheria. Wakati wa Mapinduzi ya Libya mwaka 2011, Najla Elmangoush alikuwa sehemu ya Baraza la Kitaifa la Mpito, na alifanya kazi katika kujenga uhusiano na mashirika ya kiraia.

    Alikuwa mwakilishi wa Libya katika Taasisi ya Amani ya Marekani na amefanya kazi katika mipango ya kujenga amani na sheria katika Kituo cha Dini za Dunia, Diplomasia na Utatuzi wa Migogoro. Mizozo ya kisiasa nchini mwake imeweka shinikizo kwa Elmangoush kujiuzulu na hivi majuzi amezuiwa kusafiri.

    Ana shahada ya sheria kutoka Chuo Kikuu cha Benghazi na shahada ya uzamivu katika uchambuzi na utatuzi wa migogoro kutoka Chuo Kikuu cha George Mason.

    *Ulimwengu umebadilika sana mnamo 2021 - ninataka ulimwengu uanze upya, kuleta maana na kusudi la maisha yetu, na wanadamu kutumikia vyema kwa ujumla.

  • Shila Ensandost

    Afghanistan Mwalimu

    Kuongeza uelewa kwa wanawake na wasichana haki ya elimu ni kipaumbele cha juu kwa mwalimu wa Afghanistan Shila Ensandost. Ana shahada katika masomo ya dini na amekuwa akifundisha shuleni.

    Amekuwa akihamasisha kuhusu nafasi ya wanawake katika masuala ya kisiasa na kiraia na alionekana kwenye vyombo vya habari vya Afghanistan kuzungumza juu ya haki za wanawake kufanya kazi na kujifunza. Ensandost hivi karibuni alishiriki katika maandamano ya umma mjini Kabul ambako alivaa kitambaa cheupe cha kuandamana dhidi ya ukandamizaji wa wanawake nchini humo.

    Pamoja na kuwa mwalimu, amekuwa mwanachama hai wa taasisi mbalimbali za wanawake nchini Afghanistan.

    *Nataka kuona wanawake wanajumuishwa katika masuala ya kisiasa, kijamii, na kiuchumi, kutekelezwa kwa haki ya mwanamke kupata elimu, na vurugu na ukosefu wa usawa dhidi ya wanawake na wachache kuondolewa.

  • Saeeda Etebari

    Afghanistan Mbunifu wa vito

    Kazi zake zimeonyeshwa Smithsonian huko Washington zinaongozwa na mitindo ya jadi ya nchi yake Afghanistan, kwa kutumia mawe ya vito vya ndani na mapambo.

    Saeeda Etebari ni mjasiriamali na mtengenezaji na mbunifu maarufu wa kimataifa wa vito

    Alikuwa kiziwi akiwa na umri wa mwaka mmoja baada ya kuambukizwa ugonjwa ulioathiri ubongo na uti wa mgongo katika kambi ya wakimbizi, na kuhitimu katika shule ya viziwi iliyoanzishwa na baba yake. Baade Etebari alijiunga na Turquoise Mountain Institute, taasisi ya Sanaa na Usanifu na kubobea katika kubunifu wa vito.

    *Wanawake sasa hawana ajira na wanaume tu ndio wanaweza kufanya kazi. Sasa utawala umebadilika, matumaini yangu ya mustakabali bora kwa Afghanistan yamekatishwa tamaa.

  • Sahar Fetrat

    Afghanistan Mwanaharakati wa wanawake

    Alikuwa nguzo ya maandamano mengi ya kukabiliana na dhana potofu za kijinsia, mwanaharakati anayetetea haki za wanawake Sahar Fetrat alikuwa mkimbizi mwenye umri mdogo nchini Iran na Pakistan wakati wa utawala wa kwanza wa Taliban. Alirejea Kabul mwaka wa 2006 na kuendeleza uanaharakati wa wanawake tangu akiwa kijana

    Amekuwa akitetea wanawake katika simulizi zake kupitia uandishi na utengenezaji wa filamu, kwa mfano katika makala yake kuhusu unyanyasaji wa mitaani, Do Not Trust My Silence (2013). Fetrat alifanya kazi katika kitengo cha elimu cha UNESCO nchini Afghanistan na Human Rights Watch.

    Ana Shahada ya Uzamili katika Masomo Muhimu ya Jinsia kutoka Chuo Kikuu cha Central European na kwa sasa anasoma katika idara ya Mafunzo ya Vita ya Chuo cha King's, London.

    *Natumai kuona siku ambayo upatikanaji wa elimu kwa wasichana ni haki ya msingi, si kitu cha kupigania. Natumai kuona wasichana wa Afghanistan wakipigania ndoto ambazo ziko juu kuliko milima ya nchi mama.

  • Melinda French Gates

    Marekani Mfadhili na mfanyabiashara

    Mtoa misaada, mfanyabiashara na mtetezi wa kimataifa wa wanawake na wasichana. Melinda French Gates ameweka muelekeo na kipaumbele katikani mojawapo ya mashirika makubwa zaidi ya uhisani duniani katika jukumu lake la uenyekiti mwenza wa Bill & Melinda Gates Foundation.

    Yeye pia ni mwanzilishi wa Pivotal Ventures, kampuni ya uwekezaji inayofanya kazi kuendeleza maendeleo ya kijamii kwa wanawake na familia, na mwandishi wa kitabu kinachouzwa zaidi The Moment of Lift.

    France Gates ana shahada ya sayansi ya kompyuta na MBA kutoka Chuo Kikuu cha Duke. Alitumia muongo mmoja kuendeleza bidhaa za multimedia katika Microsoft kabla ya kuondoka kampuni hiyo kuelekeza nguvu katika familia yake na kazi ya uhisani.

    *Janga la Covid-19 lilifichua na kuzidisha ukosefu mkubwa wa usawa duniani kote. Kuweka wanawake na wasichana katikati ya juhudi zetu za kupona zote zitapunguza mateso kwa sasa na kujenga msingi wenye nguvu kwa siku zijazo.

  • Fatima Gailani

    Afghanistan Mpatanishi wa amani

    Mmoja wa wapatanishi wanne wa amani kukaa na Taliban mnamo 2020, akijaribu kutafuta 'suluhisho la haki la kisiasa'. Fatima Gailani ni kiongozi mashuhuri wa kisiasa na mwanaharakati, ambaye amekuwa akijishughulisha na kazi ya kibinadamu kwa miaka 43 iliyopita

    Alikuwa mmoja wa wanawake wa upinzani wa Afghanistan dhidi ya uvamizi wa Soviet katika miaka ya 1980 na msemaji wa Mujahideen wa Afghanistan kutoka uhamishoni huko London. Alirejea Afghanistan kufuatia uvamizi ulioongozwa na Marekani mwaka 2001 na kusaidia kuandika katiba mpya ya Afghanistan.

    Kuanzia 2005 hadi 2016, alikuwa rais wa Afghan Red Crescent Society, ambayo bado ni mjumbe wake wa bodi

    *Natumai kuwe na mazungumzo ya kitaifa yenye maana ambayo yatasababisha ujenzi halisi wa taifa.

  • Carolina García

    Argentina Mkurugenzi - Netflix

    Mkurugenzi wa tamthilia katika mtandao maarufu wa Netflix, Carolina García alizaliwa Argentina na kukulia California. Mcheza densi na mwimbaji huyo aliyefundishwa alifanya kazi yake kupitia tasnia ya burudani baada ya kuanza kama mwanafunzi kwenye kampuni ya 20th Century Fox.

    Kama mtendaji mkuu wa ubunifu, amesimamia tamthilia mbalimbali zilizofanya vizuri Netflix kama Stranger Things, The Chilling Adventures of Sabrina, 13 Reasons Why, Atypical na Raising Dion.

    Kama mmoja wa wanawake wachache wenye asili ya Amerika ya Kusini kuongoza Hollywood, García anafanya kazi kuongeza uwakilishi wa watu wa asili hiyo ya latini na kuonyesha simulizi zao, jamii hiyo kwa sasa inawakilisha karibu moja ya tano ya idadi ya watu wa Marekani.

    *Miaka hii michache iliyopita imetutikisa sisi sote, lakini maisha ni mafupi - kwa nini kutumia muda wetu wa thamani kwa hofu? Kama bibi yangu anasema, 'maisha lazima yaishi', na ni wakati wa kumsikiliza bibi yangu.

  • Saghi Ghahraman

    Ira n Mshairi

    Mwandishi wa Irani-Canada, na mwanzilishi mwenza na rais wa Shirika la Queer la Iran (IRQO).

    Shirika hili likiwa na makao yake mjini Toronto, linalinda haki za mashoga, wasagaji, watu wa jinsia mbili na waliobadili jinsia wanaoishi Iran au wanaolazimishwa kuishi uhamishoni, na pia kufuatilia ukiukaji wa haki za mashoga nchini Iran.

    Ghahraman alianzisha Vitabu vya Gilgamishaan mnamo 2010, akizingatia "fasihi ya kijinga" ya Irani. Mhariri na mwandishi anayesifiwa kimataifa wa juzuu nne za ushairi, pamoja na makala nyingi, kazi ya Ghahraman inajulikana kwa changamoto ya heteronormativity - wazo kwamba majukumu ya kijinsia yanafafanuliwa na jinsia ya kibayolojia na jinsia tofauti ni mwelekeo wa kawaida wa kijinsia.

    *Ulimwengu unapoweka upya, lazima ujumuishe kila mmoja wetu. Ulimwengu unaweza tu kuwa na Covid-19 ikiwa "tutaweka upya" ili kujumuisha watu wa hali ya chini katika mapendeleo yote ambayo watu wasio LGBTQIA+ wamepuuza

  • Ghawgha

    Afghanistan Mwanamuziki

    Mwimbaji mwenye kipaji, mwandishi wa nyimbo na mtunzi, Ghawgha amefanya kazi katika tasnia ya muziki kwa zaidi ya miaka mitano. Nyimbo zake - mara nyingi kuhusu wasichana na wanawake nchini Afghanistan - zina wafuasi wengi na mashairi yake hupinga inga hali ya sasa.

    Mwaka 2019, aliweka muziki shairi 'Nakubusu katikati ya Taliban' wa Ramin Mazhar - ulisambaa haraka mtandaoni. Wimbo wake wa hivi karibuni, Tabassum, amewatungia 'watoto ambao walikuwa na ndoto zilizozimwa na vita'.

    Ghawgha anasema anaandika muziki kwa sababu "vita visivyo kwisha katika nchi yangu havinipi amani," na mashairi yake yanaonyesha mateso hayo.

    *Anga ya ardhi ya mama yangu imefunikwa na vifaa vingi vya makombora. Nawafikiria watu wangu, hasa wanawake na watoto, kila dakika ya kila saa. Hofu kwa ajili ya usalama wao ni jambo linalodumu kwangu.

  • Angela Ghayour

    Afghanistan Mwalimu na mwanzilishi wa shule ya mtandaoni.

    Shule ya Mtandaoni ya Herat iliyoanzishwa na mwalimu Angela Ghayour ina takriban wanafunzi 1,000 na zaidi ya walimu 400 wa kujitolea. Aliamua kuchukua hatua wakati Taliban ilipowaagiza wasichana na wasichana wa Afghanistan kubaki nyumbani na shule yake ya mtandaoni sasa inatoa zaidi ya madarasa 170 tofauti kupitia Telegram au Skype, kutoka hisabati na muziki hadi kupikia na uchoraji.

    Ghayour mwenyewe alikimbilia Iran kutoka Herat mwaka wa 1992 wakati vita vya wenyewe kwa wenyewe vilipozuka, na alikosa shule kwa miaka mitano kutokana na masuala ya viza ya muda ya familia

    Baadaye alifuzu kama mwalimu wa shule ya sekondari , alihama mara nyingi na sasa amehamia Uingereza.

    *Ninakataa kutambua ule uitwao umuhimu wa uovu: furaha ya kudumu itapatikana wakati ulimwengu utakaposimamisha mzunguko mbaya wa marufuku ya uovu na hivyo kutoitambua Taliban au uovu mwingine wowote

  • Jamila Gordon

    Somalia Mtendaji Mkuu - Lumachain

    Kiongozi anayeongoza katika ulimwengu wa akili bandia (AI), Jamila Gordon ni mwanzilishi wa Lumachain, jukwaa la wataalam wanaotumia AI kuunganisha minyororo ya usambazaji wa chakula duniani.

    Alizaliwa katika kijiji kimoja huko Somalia lakini alikimbilia Kenya wakati akiwa bado kijana wakati vita vya wenyewe kwa wenyewe vilipoanza nchini Somalia. Kisha alihamia Australia na kuendeleza upendo wa teknolojia. Kabla ya kuzindua Lumachain, Gordon aliwahi kuwa mtendaji wa kimataifa wa IBM na afisa mkuu wa habari wa kikundi cha Qantas.

    Alikuwa mshindi wa kimataifa wa tuzo ya Microsoft 2018 katika kipengele cha kwenye International Women's Entrepreneurial Challenge na akatajwa pia kama mgunduzi wa mwaka 2021 huko New Zealand na Australia katika tuzo za Wanawake zinazoitwa Women in AI.

    *Ninaamini kwa dhati uwezo wa akili bandia kuwezesha watu kutoka malezi duni kupata nafasi zao zinazofaa katika jamii, huku pia kikisaidia kubadilisha biashara.

  • Najlla Habibyar

    Afghanistan Mjasiriamali

    Ili kuwasaidia wanawake wa Afghanistan kuanzisha biashara za ufumaji na kuuza bidhaa zao nje ya nchi bila kulazimika kupitia wafanyabiashara wa bei ghali, Najlla Habibyar alianzisha taasisi ya Blue Treasure Inc and Ark Group. Ameongoza miradi ya USAID na Benki ya Dunia, akizingatia uwezeshaji wa wanawake na mabadiliko ya hali ya hewa kuhusiana na biashara.

    Kati ya 2012 na 2015, Habibyar alihudumu kama Mkurugenzi Mtendaji wa Wakala wa Serikali wa Mauzo ya Nje, na kusaidia kuongeza kiwango cha mauzo ya Afghanistan nje ya nchi.

    Pia amefanya kazi sekta ya kujitolea kwa zaidi ya miaka 13, kusaidia elimu wasichana na kuanzisha taasisi ya Afghan Veracity Care kuhudumia zisizo na makazi.

    *Licha ya masaibu ambayo nimepitia kama mwanamke wa Afghanistan, ninatumai nitaweza kuchangia kukomesha kurithisha vita kwa kizazi chetu kijacho.

  • Laila Haidari

    Pakistan Muanzilishi wa kambi ya mama

    Licha ya miiko kuhusu watumiaji wa dawa za kulevya, Laila Haidari aliendesha kituo pekee cha kusaidia waraibu wa dawa za kulevya mjini Kabul, Kambi ya Mama, na imewasaidia karibu raia 6,400 wa Afghanistan tangu mwaka 2010. Alitumia akiba yake mwenyewe kuanzisha kituo hicho, na kukifadhili kwa kufungua mgahawa ulioendeshwa na waraibu wa waliopona (hii ilimbidi kufunga baada ya kuanguka kwa Kabul).

    Familia ya Haidari inatokea Bamyan lakini alizaliwa mkimbizi nchini Pakistan. Bibi harusi wa zamani mtoto aliyeolewa akiwa na umri wa miaka 12, ni mtetezi wa haki za wanawake.

    Anashiriki katika makala maarufu la Laila at the Bridge (2018), kuhusu mapambano yake ya kuendelea kufungua kituo chake licha ya vitisho na upinzani.

    *Natumaini kwamba uelewa utaenea, ili tuweze kuwa na ulimwengu wenye maadili na ubinadamu zaidi. Tunaishi katika ulimwengu uliounganishwa ambapo kura ya raia wa Marekani inaweza kimsingi kubadilisha hatima ya raia wa Afghanistan.

  • Zarlasht Halaimzai

    Mkurugenzi Mtendaji wa asasi inayoshughukia wakimbizi ya Refugee Trauma Initiative

    Mkimbizi wa zamani kutoka Afghanistan, Zarlasht Halaimzai ni mwanzilishi mwenza na Mkurugenzi Mtendaji wa Refugee Trauma Initiative (RTI), Shirika ambalo hutoa msaada wa kisaikolojia kwa wakimbizi kukabiliana na matatizo ya kisaikolojia yaliyotoka kwa vurugu na kukimbia makazi yao.

    Kabla ya kuanzisha RTI, alifanya kazi katika mpaka wa Syria na Uturuki, kusaidia watoto walio katika mazingira magumu kupata elimu, na kushauri NGOs juu ya elimu na ustawi kwa wakimbizi.

    Halaimzai alikuwa mmoja wa wanufaika wa mwanzo mwanzo wa Taasisi ya Obama Foundation mwaka 2018 - kundi la viongozi 20 kutoka asasi za kiraia duniani waliofadhiliwa na rais wa zamani wa Marekani Barack Obama.

    *Matumaini yangu kwa siku za usoni ni kumalizika kwa vurugu ambazo zinaendelea kuharibu maisha ya watu wa Afghanistan.

  • Shamsia Hassani

    Iran Msanii wa mtaani

    Akichora rangi katika jiji lililoharibiwa na migogoro, Shamsia Hassani ndiye msanii wa kwanza wa kike wa kuchora na wa mitaani nchini Afghanistan. Anatumia majengo ya Kabul yaliyotelekezwa au kuharibiwa kwa picha zake za ukutani zinazoonyesha wanawake kama wanaojiamini, wenye nguvu na wanaotamani makuu.

    Mzaliwa wa Iran na wazazi wa Afghanistan, Hassani alisomea sanaa ya kuona huko Kabul, amefundisha katika Chuo Kikuu cha Kabul na ameunda michoro katika zaidi ya nchi 15. Alitajwa kuwa mmoja wa wanafikra 100 wakuu duniani na jarida la Sera ya Kigeni, na anaangaziwa katika Hadithi za Usiku Mwema zinazouzwa zaidi kwa Wasichana wa Rebel 2, mkusanyo wa wasifu wa wanawake wanaofuata mkondo

    Licha ya uvamizi wa Taliban, Hassani anaendelea kuweka sanaa yake kwenye mitandao ya kijamii.

    *Katika kipindi cha miaka 15 iliyopita, wakati wowote nimekuwa na matumaini kwa nchi yangu, mambo yamebadilika na kuwa mabaya zaidi. Sina matumaini zaidi ya Afghanistan angavu - bora kutokuwa na matumaini kuliko kukosa matumaini.

    Makala zinazohusiana

  • Nasrin Husseini

    Afghanistan Daktari wa Mifugo

    Katika kozi yake ya Tiba ya Mifugo katika Chuo Kikuu cha Kabul, Nasrin Husseini alikuwa mmoja wa wanawake wawili tu katika darasa la wanafunzi 75 hivi. Alikulia nchini Iran kama mkimbizi, lakini alirudi Afghanistan kwa masomo yake na baadaye akahamia Canada na ufadhili wa kusoma afya ya wanyama katika Chuo Kikuu cha Guelp.

    Husseini sasa anafanya kazi katika maabara ya kinga ya mwili na anatumia muda wake wa ziada kujitolea na shirika lisilo la faida la Canadian Hazara Humanitarian Services, akiwasaidia Wahazara wenzake na wanajamii wengine waliotengwa kutoka Afghanistan ambao wanatazamia kuhamia Kanada.

    Pia anashirikiana na programu ya vijana ya Bookies, ambayo inakuza masuala ya usomaji na usimulizi wa hadithi miongoni mwa watoto wa Afghanistan.

    *Wanawake na wasichana wa Afghanistan wana hofu na hali ya sasa inaonekana kutokuwa na matumaini, lakini daima kuna njia. Kama Bob Marley alisema, "Huwezi kujua jinsi ulivyo na nguvu hadi kuwa na nguvu ni chaguo lako pekee."

  • Momena Ibrahimi

    Afghanistan Polisi

    Miaka mitatu baada ya kujiunga na jeshi la polisi, Momena Ibrahimi, anaayejulikana kama Momena Karbalayee, alinyanyaswa kingono na mwandamizi wake. Aliamua kuzungumza wakati huo kuhusu uzoefu wake, pamoja na madai mengine ya unyanyasaji katika jeshi la Afghanistan.

    Tangu wakati huo amepigana kupata haki kwa ajili yake mwenyewe na manusura wengine wa ubakaji na unyanyasaji wa kijinsia, licha ya kupokea vitisho. "Niliamini mtu anapaswa kuzungumza na nilidhani kwamba mtu huyo anaweza kuwa mimi, hata kama ilinigharimu maisha yangu," aliiambia BBC.

    Ibrahimi ni mmoja wa maelfu ya watu waliohamishwa hadi Uingereza baada ya Taliban kurejea madarakani mwezi uliopita wa Agosti.

    *Natamani wanawake wote waliopigana miaka nenda rudi, waliosoma na kujitengenezea taaluma warudi kazini na kuwa huru na mamlaka inayotumia nguvu dhidi ya wananchi.

  • Mugdha Kalra

    India Mwanzilishi mwenza wa- Not That Different.

    Mwanaharakati wa haki za autism na mama wa mtoto wa umri wa miaka 12 ambaye ana autism, Mugdha Kalra alianzisha shirika la Not That Different, vuguvugu linaloongozwa na mtoto ambalo linazingatia ujumuishaji na uelewa kuhusu "neurodiversity". Yeye yuko nyuma ya katuni moja inayolenga kuwasaidia watoto wote kuelewa vyema autism na kuwafanya waweze kushirikiana na washirika na marafiki wao wa aina mbalimbali za akili.

    Kalra ana zaidi ya miongo miwili ya uzoefu katika tasnia ya utangazaji na ni mtangazaji wa TV, mwandishi wa filamu na mkufunzi wa masuala jumuishi.

    Yeye pia ni mwanamkakati mkuu wa maudhui wa Bakstage, programu ya podcasting.

    *Gonjwa hili limefanya watu bilioni saba waishi kupitia ukweli unaofanana, peke yao katika ulimwengu wao lakini wamekutwa na mateso sawa. Ningependa tukio hili la kuguswa wot litumike kuhamasisha huruma zaidi kwa wanadamu wenzetu.

  • Freshta Karim

    Afghanistan Mwanzilishi wa maktaba inayotembea ya Charmaghz

    Kuyageuza mabasi kuwa maktaba zinazohamishika, NGO yenye makao yake makuu Kabul Charmaghz imezuru vitongoji vya jiji kupeleka vitabu na shughuli za sanaa kwa mamia ya watoto.

    Mwanaharakati wa haki za watoto Freshta Karim alianzisha Charmaghz mnamo 2018, baada ya kuhitimu shahada ya uzamili katika Sera za Umma kutoka Chuo Kikuu cha Oxford.

    Alianza akiwa na umri wa miaka 12, akiandaa vipindi vye televisheni vya watoto na kutoa ripoti kuhusu hali ya haki za watoto nchini Afghanistan, na ameendelea kufanya kazi katika eneo hilo tangu wakati huo.

    *Ninafanya kazi na watoto kwa sababu ninawaona kama ‘wavunja-mnyororo’ kwa Afghanistan, wakisumbua mzunguko mbaya wa ukandamizaji na vurugu na kutengeneza nafasi ya uponyaji, simulizi mpya na siasa mpya.

  • Amena Karimyan

    Afghanistan Mnajimu

    Mhandisi wa ujenzi na mkufunzi katika Taasisi ya Ufundi ya Herat, Amena Karimyan alikuwa mmoja wa wanawake wa kwanza nchini Afghanistan kuzingatia maendeleo ya unajimu nchini.

    Yeye ndiye Mkurugenzi Mtendaji na mwanzilishi wa Kayhana Astronomical Group, ambayo ilianza mwaka wa 2018 na inahimiza vijana kujifunza kuhusu astronomia.

    Mnamo Julai 2021, Karimyan na kikundi chake cha unajimu, wote wakiwa wasichana, walishinda Tuzo la Umoja wa Ulimwengu wa Astronomia katika Mashindano ya Kimataifa ya Unajimu na Astrofizikia nchini Poland, baada ya kuorodhesha wa kwanza kati ya timu 255 kutoka zaidi ya nchi 50.

    *Kama Taliban inavyowanyima wasichana haki ya kupata elimu, inatubidi kuwasiliana zaidi kuliko hapo awali - Kikundi cha Wanaanga cha Kayhana hukutana mtandaoni kila usiku. Matumaini yangu pekee ni kuandaa njia kwa vijana wa nchi yangu.

    Makala zinazohusiana

  • Aliya Kazimy

    Afghanistan Mwalimu

    Haki za binadamu na elimu ni maeneo ambayo Gani Kazimy alijitolea muda wake mwingi kabla ya Taliban kushika hatamu Kabul. Alifanya kazi na Shirika la Msalaba Mwekundu kwa kujitolea kwa miaka mitatu, alianzisha biashara ya kuuza vitu vitamu na mikate kwa wanawake na kuhitimu shahama ya uzamili katika masuala ya Usimamizi wa Biashara mwaka 2020. Alifundisha katika chuo kikuu na alitaka kuwa mhadhiri.

    Baada ya taliban kuchukua madaraka mwaka 2021, alihamia Marekani na sasa anapanga kusoma shahada ya uzamivu.

    Aliandika barua kwa BBC ambapo anaandika kwa shauku juu ya uhuru wa wanawake kuchagua, hasa linapokuja suala la jinsi wanavyovaa.

    *Tumaini langu pekee kwa Afghanistan ni amani: amani ndiyo tunayohitaji zaidi.

  • Baroness Helena Kennedy QC

    Uingereza Mkurugenzi - International Bar Association's Human Rights Institute

    Mwanasheria wa Scotland anayejulikana kwa kutetea haki za wanawake na wachache, Baroness Helena Kennedy QC amekuwa mwanasheria hasa za jinai kwa miaka 40. Ni mkurugenzi wa Taasisi ya Kimataifa ya Haki za Binadamu ya Bar Association, ambayo hivi karibuni imekuwa ikiwasaidia wanawake walio katika hatari nchini Afghanistan.

    Alikuwa mkuu wa Chuo cha Mansfield katika Chuo Kikuu cha Oxford kwa miaka kadhaa na alikuwa na jukumu la kuunda Taasisi ya Haki za Kibinadamu ya Bonavero huko.

    Baroness Kennedy amechapisha vitabu mbalimbali kuhusu athari za mfumo wa haki kwa wanawake na mwaka wa 1997 alikuwa sehemu ya House of Lords.

    *Haki zetu za kibinadamu hazina maana isipokuwa kama kuna wanasheria wa kushugulikia kesi zetu na majaji walio huru - wanawake na wanaume - kujaribu.

  • Hoda Khamosh

    Iran Mwanaharakati wa hedhi

    Hedhi sio mwiko' ulikuwa mpango wa uhamasishaji ambao mwanaharakati wa haki za wanawake Hoda Khamosh aliendesha katika shule za Afghanistan, ili kukuza mazungumzo ya wazi kuhusu hedhi.

    Alizaliwa nchini Iran na wazazi wa Afghanistan waliokimbia makazi yao, alirudi Afghanistan akiwa mtoto na alisaidiwa na mama yake kusoma, kinyume na mtazamo wa kihafidhina. Pia mshairi na mwanahabari, Khamoosh alikua mtangazaji wa redio mnamo 2015 akiangazia dhuluma dhidi ya wanawake, na kuanzisha kipindi cha kusoma na kuandika kwa wanawake katika kijiji chake.

    Tangu Taliban iingie mamlakani, anaendesha vipindi vya elimu kwa wasichana wa darasa la 7 na kuendelea ambao hawaruhusiwi tena shuleni.

    *Licha ya giza lake lote, 2021 ni mwaka ambao wanawake walisimama dhidi ya viboko na risasi, na kudai haki zao moja kwa moja kutoka kwa wale waliowachukua. Nautaja mwaka huu kuwa mwaka wa matumaini.

  • Mia Krisna Pratiwi

    Indonesia Mwanamazingira

    Mwanaharakati huyo wa masuala ya mazingira anafanya kazi ya kutatua matatizo ya taka za plastiki katika kisiwa cha Bali, kupitia shirika lisilo la kiserikali la Griya Luhu. Pamoja na jumuiya ya wenyeji, shirika lake lilibuni "benki ya taka ya kidijitali", mfumo unaotegemea programu ili kukusanya na kuchakata taka, na kukusanya data ili kusaidia mabadiliko zaidi katika udhibiti wa taka.

    Akiwa na shahada ya uhandisi wa mazingira kutoka Taasisi ya Teknologi Bandung, Mia Krisna Pratiwi anafanya kazi kama meneja wa uendeshaji, akisimamia shughuli za kila siku za benki ya taka za ndani.

    Yeye pia ni mchambuzi wa mazingira katika Wakala wa Mazingira wa Jiji la Denpasar, nchini Indonesia.

    *Katika roho ya falsafa ya Balinese ya Tri Hita Karana, wacha turudishe usawa na maelewano kwa Mama yetu wa Dunia. Labda sisi tulikuwa sababu ya tatizo la uchafuzi wa mazingira, lakini pia tunaweza kuwa suluhisho.

  • Heidi J Larson

    Marekani Mkurugenzi wa mradi wa - The Vaccine Confidence Project

    Mwanaanthropolojia na mkurugenzi wa Mradi wa the Vaccine Confidence Project kutoka London ya School of Hygiene & Tropical Medicine. Profesa Heidi J Larson anaongoza utafiti unaozingatia masuala ya kijamii na kisiasa yanayoathiri afua za kiafya. kwa sasa amejielekeza zaidi kitaaluma kwnye masuala yanayohusu usimamizi wa hatari na uvumi na jinsi ya kujenga imani ya umma katika chanjo.

    Yeye ndiye mwandishi wa STUCK: Jinsi Uvumi wa Chanjo unavyoanza - na Kwa Nini Hauondoki, na yeye ndiye mkuu wa utafiti wa kimataifa kuhusu kukubalika kwa chanjo wakati wa ujauzito.

    Dk Larson alitunukiwa Medali ya Edinburgh ya 2021 kwa kutambua kazi yake ya kisayansi kuhusu kuenea kwa habari potofu.

    *Gonjwa hilo lilitua katika ulimwengu ambao tayari umegawanyika. Hakuna chanjo itakayotuokoa kutokana na masuala mazito ambayo yanatugawanya; ni vitendo vyetu tu kama watu binafsi na jumuiya, kama viongozi wadogo na wakubwa, vinaweza kusaidia kuweka upya ulimwengu.

  • Iman Le Caire

    Misri Mwanzilishi - Trans Asylias

    Mcheza densi wa kisasa katika Nyumba ya Opera ya Cairo, Iman Le Caire alilazimika kukimbia Misri kwa sababu ya mateso ya polisi kwa jamii ya LGBTQ +. Alihamia Marekani mwaka 2008, alipewa hifadhi na sasa anaishi New York kama msanii, mchezaji wa densi, mwigizaji na mwanaharakati wa LGBTQ+.

    Le Caire ni meneja wa mahusiano ya Kiarabu na mjumbe wa bodi ya TransEmigrate, shirika la Ulaya ambalo linasaidia watu waliobadili jinsia kuhamia nchi salama kwao.

    Mnamo Machi 2021, alizindua taasisi yake, Trans Asylias, ambaye lengo lake ni "kusaidia waliobadili jinsia wanaotafuta hifadhi kupitia maeneo ya kirafiki" na kutoa msaada wa kihisia.

    *Gonjwa hilo linawaweka watu waliobadili jinsia, ambao tayari wako katika hatari kubwa zaidi Duniani, katika hatari kubwa zaidi kwa kuwalazimisha wakati mwingine kutengwa na familia zenye dhuluma. Ulimwengu ulipozimika, vilio vyao vya kuomba msaada vikawa vya kuhuzunisha. Sasa ulimwengu unapaswa kuwaokoa na kuwasaidia kuponya.

  • Sevidzem Ernestine Leikeki

    Cameroon Mwanaharakati wa Mabadiliko ya tabianchi

    Kwa kutumia ufugaji nyuki kama mkakati wa kudhibiti moto wa misitu, shirika ambalo Sevidzem Ernestine Leikeki alianzisha limetoa mafunzo kwa wakulima wa nyuki zaidi ya 2,000 katika uzalishaji wa asali, udhibiti wa ubora na uchimbaji wa nta, na imepanda zaidi ya miti 86,000 "inayopendwa na nyuki" ili kupambana na ukataji miti.

    Leikeki ni mwanachama mwanzilishi wa Cameroon Gender and Environment Watch, ambayo inaangazia masuala ya mazingira ya nchi na hasa jukumu la wanawake.

    Anaamini misitu inaweza kuhifadhiwa kupitia juhudi za jumuiya nzima, kama vile mradi wa Msitu wa Kilum-Ijim wenye ukubwa wa hekta 20,000 kaskazini-magharibi mwa nchi.

    *Nataka ulimwengu ambapo haki za kiikolojia na kijamii na kiuchumi za wanawake katika uhifadhi wa misitu na mipango ya kujikimu kimaisha zinazingatiwa kikamilifu.

  • Elisa Loncón Antileo

    Chile Rais - Constitutional Convention

    Alichaguliwa mnamo 2021 kama mmoja wa wawakilishi 17 wa watu asilia kuandika katiba mpya ya Chile, Elisa Loncón Antileo ni mwanaisimu, mwalimu na msomi. Anaongoza Mkataba wa Kikatiba, ikiwa ni mara ya kwanza kwa Wachile wa kiasili kushiriki katika ofisi za umma kama wawakilishi wa mataifa yao.

    Loncón ni wa jumuiya kubwa zaidi ya asili ya nchi yake, Mapuche, na anatetea "jimbo la wingi" ambalo hutoa uhuru na haki kwa jumuiya za kiasili na kutambua tamaduni na lugha zao.

    Licha ya kukulia katika umaskini na kukabiliwa na ubaguzi wa kikabila, ana PhD katika masuala ya kibinadamu na sasa ni profesa katika Chuo Kikuu cha Santiago.

    *Baada ya kuona kifo kinakaribia kila siku wakati wa janga hili, ni muhimu kuhakikisha haki sawa kwa wanadamu na wasio wanadamu. Maisha yetu yanategemea rasilimali za Mama Dunia - kutoka kwa maji na misitu hadi nyuki na mchwa.

  • Chloé Lopes Gomes

    Ufaransa Mcheza Ballet

    Chloé Lopes Gomes alijiunga na Staatsballett Berlin mwaka wa 2018, kama ballerina yake ya kwanza nyeusi. Lakini mcheza densi huyo, mwanafunzi wa zamani wa chuo cha Bolshoi cha Moscow, alikabiliwa na ubaguzi wa rangi na kukemea mazoea ya kibaguzi katika ulimwengu wa ballet, ambayo alielezea kama "waliofungwa na wasomi".

    Baada ya kutangaza madai yake hadharani, wachezaji wengi wa densi wa ballet weusi na na wenye asili mchanganyiko walionyesha kumuunga mkono.

    Lopes Gomes alianza kuchukua hatua za kisheria baada ya mkataba wake kutohuishwa na Staatsballett mwaka wa 2020. Kutokana na hayo, kampuni hiyo ilianzisha uchunguzi wa ndani kuhusu ubaguzi wa rangi miongoni mwa wafanyakazi wake, ikaomba msamaha na kumpa fidia mcheza densi huyo katika suluhu ya nje ya mahakama.

    *Kwa bahati mbaya, sisi sote hatujazaliwa sawa katika ulimwengu huu na nafasi yetu ya kufaulu inategemea ukabila na hali yako kijamii. Ninataka kuishi katika ulimwengu ambao kila mtu ana fursa ya kufikia kilele cha mafanikio yake.

  • Mahera

    Afghanistan Daktari

    Dk Mahera bado yuko bize kuona wagonjwa katika hospitali ya magonjwa ya akina mama anakofanyia kaz

    Analazimika sasa kusafiri hadi kwenye wilaya ambapo huduma za afya zimesimama tangu Taliban washike hatamu, kutoa huduma za mstari wa mbele za afya na kushauri wagonjwa wenye uhitaji.

    Hapo awali alifanya kazi na waathirika wa unyanyasaji wa kijinsia, lakini kazi hii ilisimama wakati Taliban ilipoingia madarakani.

    *Ingawa kunaweza kuwa na matumaini kidogo sasa, wanawake wa Afghanistan sio wale wa miaka ishirini iliyopita na wanaweza kutetea haki zao kwa kiasi. Wasiwasi wangu mkubwa ni kwamba wasichana wataendelea kunyimwa kwenda shule milele.

  • Maral

    Afghanistan Mwanaharakati

    Familia ya Maral haikumtaka ashiriki katika harakati za haki za wanawake au kuwa sehemu ya asasi za kiraia. Walihisi kuwa hapaswi kwenda kufanya kazi kama mwanamke, lakini alifanya hivyo .

    Tangu mwaka 2004, Maral amekuwa akijaribu kuwashirikisha wanawake katika ngazi za chini na kuwahimiza kujifunza kuhusu haki zao na kwenda kufanya kazi ili kutokuwa tegemezi kifedha

    Pia anafanya kazi na wanawake katika maeneo ya vijijini ambao ni waathirika wa unyanyasaji wa majumbani, kuhakikisha wanapata hifadhi na kuwasaidia kutafuta haki.

    *Nilidhani tulipoteza kila kitu na nilipoteza tumaini, lakini nilipokumbuka kila kitu tulichokifanya, nilipata tena ujasiri wa kuendelea. Sitakata tamaa - mustakabali unawahusu wanaotaka amani na ubinadamu.

  • Masouma

    Afghanistan Mwendesha mashitaka wa umma

    Kama mwendesha mashtaka wa kike nchini Afghanistan, Masouma * alifanya kazi kwenye Mahakama kukusanya ushahidi na kuanzisha kesi za kisheria. Mhitimu huyu wa sheria alikuwa mmoja wa wanawake wengi waliosomeshwa katika miaka ishirini iliyopita na alijivunia kuwatumikia watu wake, akifanya kazi kwa zaidi ya miaka mitano katika Ofisi ya Mwanasheria Mkuu wa Serikali.

    Wakati Taliban ilipodhibiti nchi mwezi Agosti waliwaachia huru wafungwa, wakiwemo maelfu ya wahalifu sugu na wanamgambo wa Kiislamu. Mashirika ya kimataifa ya kutetea haki za binadamu yameripoti mauaji zaidi yasiyo ya kisheria na utekaji nyara, licha ya msamaha uliotangazwa na Taliban kwa wafanyakazi wa serikali.

    Masouma kwa sasa yuko mafichoni na hajui mustakabali wake.

    *Wanawake na wasichana wanawakilisha nusu ya idadi ya watu duniani. Na kama watapewa fursa, wanawake wanaweza kuwahudumia watu wao na nchi kama ilivyo kwa wanaume.

  • Fiamē Naomi Mata’afa

    Samoa Waziri Mkuu

    Waziri mkuu wa kwanza mwanamke wa Samoa na kiongozi wa chama cha Faʻatuatua i le Atua Samoa ua Tasi (Haraka). Fiamē Naomi Mataʻafa aliingia katika siasa akiwa na umri wa miaka 27 na pia amewahi kuwa naibu waziri mkuu, waziri wa wanawake, jamii na maendeleo ya jamii na waziri wa sheria.

    Yeye pia ni chifu mkuu na anawavutia wanawake wa Kisamoa wanaotaka kushika nyadhifa za kisiasa.

    Ajenda yake udhibiti wa kimazingira: kupigana dhidi ya dharura ya hali ya hewa katika mojawapo ya maeneo ya dunia yaliyo hatarini zaidi kwa ongezeko la joto duniani.

    *Palipo na umoja, kuna matumaini kwa vizazi vyetu vijavyo.

  • Salima Mazari

    Iran Mwanasiasa na gavana wa zamani wa wilaya

    Mmoja wa magavana watatu wa nchini Afghanistan, Salima Mazari alishika vichwa vya habari mwaka huu kama kiongozi asiye na hofu wa wanamgambo wanaoiunga mkono serikali, akiwa mstari wa mbele akipigana na Taliban.

    Kama mkimbizi, Mazari alipata shahada yake nchini Iran kabla ya kurejea Afghanistan. Mwaka 2018 alikuwa gavana wa wilaya ya Charkint katika jimbo la Balkh, ambako alijadiliana kuhusu kujisalimisha kwa zaidi ya wapiganaji 100 wa Taliban. Wilaya yake iliweka upinzani mkubwa kwa Taliban mwaka 2021 na hadi kuanguka kwa Kabul, wilaya yake ilikuwa moja ya wilaya chache ambazo hazikutwaliwa.

    Alidhaniwa kukamatwa lakini aliweza kutoroka kwenda Marekani ambako anasubiri kupata makazi mapya.

    *Natumaini siku itafika mwanamke, Hazara, mshia, na msemaji wa Kiajemi - ambayo yote ni sehemu ya utambulisho wangu - haitakuwa uhalifu katika nchi yangu.

  • Depelsha Thomas McGruder

    Marekani Mwanzilishi - Moms of Black Boys Utd.

    Muungano wake unawaleta pamoja "mama wanaojali wa watoto weusi" kutoka kote Marekani. Depelsha Thomas McGruder ni mwanzilishi na rais wa Moms of Black Boys United nchini kote na MOBB United for Social Change inayolenga kubadilisha sera na mitazamo inayoathiri jinsi wavulana na wanaume weusi wanavyochukuliwa, haswa na vyombo vya sheria.

    Kwa sasa yeye ni afisa mkuu wa uendeshaji na mweka hazina wa Ford Foundation, anayesimamia shughuli za kimataifa na fedha.

    McGruder alitumia miaka 20 katika biashara ya vyombo vya habari na burudani, akifanya kazi kama mwandishi wa habari wa utangazaji na katika nyadhifa za juu za uongozi pale MTV na Black Entertainment Television.

    *Matumaini yangu ni kwamba tukitoka kwenye janga hili, ulimwengu utakuwa na huruma zaidi, kwamba watu watatambua jinsi tunavyotegemeana na kuwa wasikivu zaidi kwa shida za watu wengine na changamoto za kipekee.

  • Mulu Mefsin

    Ethiopia Nesi

    Akiwa Muuguzi kwa zaidi ya miaka 10, Mulu Mefsin kwa sasa anafanya kazi katika Kituo cha One Stop huko Mekelle, mji mkuu wa mkoa wa Tigray unaokabiliwa na Ethiopia. Kituo hiki kinatoa huduma za matibabu, kisaikolojia na kisheria kwa waathiriwa wa unyanyasaji wa kijinsia na unyanyasaji.

    Miaka mitatu iliyopita, Mefsin alianza kufanya kampeni ya kukomesha unyanyasaji dhidi ya wasichana na wanawake wachanga huko Tigray, suala ambalo limezidi kuwa muhimu tangu vita vya sasa vya wenyewe kwa wenyewe kuanza mwishoni mwa 2020.

    Licha ya kuumia mwenyewe, muuguzi Mefsin anataka kuendelea na kazi yake kwa matumaini kwamba amani itarejeshwa siku moja.

    *Nataka kuweka upya ulimwengu ili kukomesha migogoro yote, kufanya nchi zifanye kazi kwa ajili ya amani badala ya kujadiliana kuhusu uuzaji wa silaha, na kutekeleza sheria zinazowaadhibu wabakaji na wanaonyanyasa wasichana na wanawake.

  • Mohadese Mirzaee

    Afghanistan Rubani

    Akiwa rubani wa kike wa kwanza ndege ya abiria nchini Afghanistan, Mohadese Mirzaee alikuwa akiendesha ndege ya Kam Air Boeing 737 mapema mwaka huu ikiweka historia katika nchi yake yenye kuwa na wafanyakazi wote wakike. Baada ya kuwa rubani wa ndege ya abiri mnamo Septemba 2020, alisafiri kwenda Uturuki, Saudi Arabia na India.

    Wakati Taliban walipoingia Kabul, Mirzaee tayari alikuwa katika uwanja wa ndege akijiandaa kwa ndege ambayo haikuondoka. Badala yake, aliondoka yeye kama abiria, na kuiacha nchi yake. Mirzaee anasema "anasimamia usawa katika jamii ambayo wanawake na wanaume wanaweza kufanya kazi kwa pamoja".

    Anatarajia kuruka tena hivi karibuni.

    *Usisubiri! Hakuna mtu atakayekuja kukupa mabawa yako ikiwa hautasimama imara. Nilipigana kwa ajili yangu, utapigana kwa ajili yako na kwa pamoja, sisi hatuzuiliki

  • Fahima Mirzaie

    Afghanistan Mcheza densi wa Whirling-dervish

    Mchezaji densi wa kwanza na wa pekee wa kike wa whirling-dervish nchini Afghanistan - akifanya mazoezi ya ngoma ambayo ni sehemu ya sherehe za Kiislamu za Sufi Sama. Fahima Mirzaie alianzisha kikundi cha sanaa ya ngoma na uigizaji cha Sufi cha jinsia-mseto kilichoitwa Shohood Cultural and Mystical Organization, ambacho kinamaanisha Intuition of Mystics.

    Anaona dansi kama njia ya kujitengenezea nafasi katika jamii ya kitamaduni na ya kidini, ambapo shughuli za vikundi mchanganyiko bado zinachukuliwa kuwa mwiko. Kupitia kuandaa hafla kote nchini, alitarajia kukuza uvumilivu nchini Afghanistan.

    Mnamo mwaka wa 2021, alilazimika kutoroka huku Taliban wakiwachukulia wafuasi wa Sufi kuwa ni wazushi na kinyume na sheria za Kiislamu

    *Ninaamini katika kutanguliza hali yangu ya kiroho: tunapaswa kujaribu kutafuta amani ndani yetu ndipo amani hii ya ndani itaenea ulimwenguni kote.

    Makala zinazohusiana

  • Tlaleng Mofokeng

    Afrika Kusini Mtaalamu wa Umoja wa Mataifa juu ya haki ya afya

    Anajulikana kwa upendo kama Dokta T, ni daktari na mwanaharakati wa haki za afya ya ngono na uzazi ya wanawake, ambaye anatetea upatikanaji wa afya kwa wote, huduma za VVU na huduma za kupanga familia.

    Dk. Tlaleng Mofokeng kwa sasa ni mtoa ripoti maalum wa Umoja wa Mataifa kuhusu haki ya afya ya kimwili na kiakili - mwanamke wa kwanza, Mwafrika wa kwanza, na mmoja wa watu wenye umri mdogo zaidi kushikilia wadhifa huu. Yeye pia ndiye mwandishi wa Dr T: A Guide to Sexual Health and Pleasure.

    Mofokeng alikuwa mmoja wa washindi wa mwaka 2016 wa tuzo ya 120 Under 40 kwa vijana mabingwa wa upangaji uzazi, kutoka Taasisi ya Bill & Melinda Gates ya Idadi ya Watu na Afya ya Uzazi.

    *Je, ningependa ulimwengu uanze upya vipi? (Kwa) kujizoeza kujitunza kama upendo wa jamii

  • Tanya Muzinda

    Mwanamichezo wa michezo ya mbio za pikipiki

    Akitwaa ulimwengu unaotawaliwa na wanaume wa mbio za motocross, au mbio za pikipiki nje ya barabara, Tanya Muzinda amekuwa bingwa wa nchi yake wa saketi za nje ya barabara. Yeye ndiye mwanamke wa kwanza wa Zimbabwe kushinda ubingwa wa motocross tangu shindano hilo lianze mnamo 1957.

    Kwa kuchochewa na babake, mwendesha baiskeli wa zamani, alianza mazoezi akiwa na umri wa miaka mitano. Sasa akiwa na umri wa miaka 17, Muzinda anatumai kuwa Mwafrika wa kwanza mweusi kushinda ubingwa wa dunia wa mbio za magari za wanawake. Mnamo mwaka wa 2018, alitawazwa mwanaspoti bora wa mwaka na Umoja wa Afrika.

    Kupitia mapato yake ya mchezo wa pikipiki wa motocross, anajishughulisha na kazi ya hisani, akilipia karo kwa wanafunzi wapatao 100 kuhudhuria shule huko Harare.

    *Sitaki kuanza upya ulimwengu - haikuwa mkamilifu kamwe. Siku zote kulikuwa na nyakati nzuri na zingine mbaya. Turekebishe ya sasa ili vizazi vijavyo visilazimike kupigania mambo yale yale tunayopigania.

  • Chimamanda Ngozi Adichie

    Nigeria Mwandishi

    Mwandishi maarufu wa Nigeria na nembo ya mwanamke ambaye kazi yake imetafsiriwa katika zaidi ya lugha 30. Chimamanda Ngozi Adichie alihamia Marekani akiwa na umri wa miaka 19 kufuata shahada ya mawasiliano na sayansi ya siasa.

    Riwaya yake ya kwanza, Purple Hibiscus, iliyochapishwa mnamo 2003, ilishinda tuzo ya Waandishi wa Jumuiya ya Madola na mnamo 2013 riwaya yake ya Americanah ilitajwa kuwa moja ya vitabu 10 bora vya The New York Times.

    Video maarufu ya Adichie ya TED Talk ya mwaka wa 2012, We Should All Be Feminists, ilianzisha mjadala duniani kote kuhusu ufeministi na ilichapishwa kama kitabu mnamo 2014. Hivi majuzi aliandika Notes on Grief (2021), kumbukumbu ya binafsi sana kwa babake baada ya kifo chake cha ghafla.

    *Wacha tutumie wakati huu kuanza kufikiria juu ya huduma ya afya kama haki ya binadamu kila mahali ulimwenguni - kile ambacho mtu anastahili kwa sababu tu ya kuwa hai, sio wakati unaweza kumudu.

  • Lynn Ngugi

    Kenya Mwandishi wa habari

    Mwanahabari aliyeshinda tuzo Lynn Ngugi anajulikana kwa kazi yake kwenye jukwaa la habari la kidijitali la Tuko, ambapo aliangazia simulizi nyingi zinazovutia zinazovutia watu.

    Alifanya kazi kwa mara ya kwanza kama mtu wa kujitolea, akihudumia wagonjwa wa saratani, na mnamo 2011 alianza kazi ya uandishi na Kiwo films na baadae the Qatar Foundation.. Ngugi pia anachukuliwa kuwa mshawishi wa mitandao ya kijamii na mtu mashuhuri wa vyombo vya habari nchini mwake.

    Alishinda tuzo ya mwanahabari bora wa mwaka wa habari za kibinadamu za Cafe Ngoma mnamo 2020 na tuzo ya mwaka huu ya balozi wa jamii wa iChange Nations Community.

    *Ningependa ulimwengu uwe mahali ambapo kila mtu anahisi salama.

  • Amanda Nguyễn

    Marekani Mjasiriamali wa kijamii

    Yeye ndiye mtendaji mkuu wa shirika la Rise, linalolinda haki za watu waliobakwa au kushambuliwa kingono.

    Mwanaharakati wa haki za kiraia na mjasiriamali wa kijamii, Amanda N Nguyễn alianzisha Rise baada ya kubakwa mwaka wa 2013 alipokuwa akisoma katika Chuo Kikuu cha Harvard na aliambiwa alikuwa na muda wa miezi sita tu kushtaki kabla ya ushahidi kuharibiwa. Alisaidia kuandaa Sheria ya Haki za Waathirika wa Unyanyasaji wa Kijinsia, ambayo inalinda haki ya mwathiriwa wa ubakaji kuhifadhi ushahidi.

    Mnamo 2021, video yake kuhusu uhalifu wa chuki dhidi ya Waasia nchini Marekani ilisambaa mtandaoni, katika wakati muhimu wa harakati za kuzuia chuki dhidi ya Waasia.

    *Hakuna mtu asiye na nguvu tunapoungana pamoja. Hakuna mtu asiyeonekana tunapodai kuonekana.

  • Basira Paigham

    Afghanistan Mwanaharakati wa masuala ya jinsia

    Kufanya kazi kwa ajili ya haki za LGBTQ+ nchini Afghanistan kumejawa ugumu lakini, licha ya changamoto hizo, Basira Paigham amekuwa mwanaharakati wa usawa wa kijinsia na walio wachache wa kwa miaka minane iliyopita.

    Alitoa warsha kuhusu jinsia na uelewa wa ngono, pamoja na wafanyakazi wenzake, walitoa ushauri na usaidizi wa kifedha kwa matibabu ya wanajamii wa LGBTQ+ ambao walikuwa waathiriwa wa unyanyasaji. Pia zilisaidia watu wanaoishi katika mazingira magumu wa LGBTQ+ walio katika hatari ya kujiua kuweza kufikiwa na matibabu ya kisaikolojia.

    Sasa anaishi Ireland, anaendelea kutetea kutambuliwa kwa jumuiya ya LGBTQ+ ya Afghanistan na haki zao za binadamu na uhuru.

    *Natumai watu wa Afghanistan wataweza kupumua kwa uhuru, bila kufikiria dini, jinsia na jinsia zao. Hatutanyamaza, na kwa juhudi zote tutafanikiwa kubadilisha mawazo.

  • Natalia Pasternak Taschner

    Mtaalamu wa biolojia na mawasiliano ya sayansi

    Ameleta taarifa muhimu za kisayansi za kuokoa maisha kwa mamilioni ya watu nchini Brazili wakati wa janga la Covid-19, kupitia safu za makala zake za habari, Kuonena na kusikika kwenye redio na TV.

    Natalia Pasternak ni mwandishi wa sayansi na mwanabiolojia, mwenye shahada katika jenetiki ya bakteria kutoka Chuo Kikuu cha Sao Paulo. Ubora wa kazi yake ulimfanya kualikwa katika Chuo Kikuu cha Columbia, New York, na mwanasayansi maarufu duniani wa sayansi ya neva na mwandishi Stuart Firestein.

    Pasternak pia ni mwanzilishi na rais wa sasa wa Instituto Questão de Ciência (Taasisi ya Swali la Sayansi), shirika lisilo la kiserikali linalojitolea kutangaza ushahidi wa kisayansi katika sera za umma.

    *Nikiwa mjukuu wakati wa mauaji ya Holocaust, najua serikali za kimabavu zinaweza kufanya nini kwa watu. Kuzungumza kwa ajili ya sayansi nchini Brazili wakati wa janga lilikuwa mchango wangu wa harakati ya "Never forget" alive.

  • Monica Paulus

    Mwanaharakati anayetetea ukatili dhidi ya wachawi

    Ili kuwasaidia waathiriwa wa shutuma za uchawi na unyanyasaji unaohusiana nao, mwanaharakati wa haki za binadamu Monica Paulus alianzisha Mtandao wa Watetezi wa Haki za Kibinadamu wa Wanawake wa Nyanda za Juu. Shirika hilo hutoa makazi na ushauri wa kisheria kwa wanawake wanaotuhumiwa kwa uchawi na kuripoti kesi zao kwa Umoja wa Mataifa na mashirika mengine ya kimataifa.

    Juhudi zao zimesababisha serikali ya Papua kuunda kamati kushughulikia vurugu zinazohusiana na uchawi.

    Mnamo 2015, Paulus alikuwa mmoja wa Wanawake wenye mafanikio wa Umoja wa Mataifa na alipokea Tuzo ya Ufahari ya Papua New Guinea kwa Wanawake kwa ujasiri wake. Amnesty International Australia ilimtaja kama mmoja wa wanawake shujaa zaidi duniani.

    *Tunahitaji kuanza upya na kukumbuka sisi sote ni sehemu ya jamii ya binadamu, na jinsia haipaswi kamwe kutuzuia au kuzuiwa dhidi yetu.

  • Popal

    Afghanistan Barrister

    Mtaalamu wa uhamiaji na sheria za kiraia, Rehana Popal kwa sasa anafanya kazi kusaidia wakalimani wa Afghanistan, wafasiri na wengine walioachwa kufuatia Uingereza kujiondoa Afghanistan.

    Popal alikuwa mwanamke wa kwanza wa Afghanistan kufanya kazi kama wakili nchini Uingereza na Wales. Alikuja Uingereza kama mtoto mkimbizi akiwa na umri wa miaka mitano, akasoma Siasa za Kimataifa na Sheria na sasa anafanya kazi kama wakili wa haki za binadamu.

    Mnamo 2019, alitajwa kuwa Mwanasheria Bora wa Mwaka katika Tuzo za Uhamasishaji za Wanawake katika Sheria.

    *Natumai kwamba, katika siku zijazo, wanawake na wasichana nchini Afghanistan wanaweza kuwa na uhuru wa kuelimishwa, kuajiriwa na kuishi bila woga.

  • Manjula Pradeep

    India Mwanaharakati wa haki za binadamu

    Wakili na mwanaharakati wa haki wa jamii zilizoathirika sana nchini India. Kutoka kwenye familia ya Dalit ya Gujarat, Manjula Pradeep anajulikana kwa kazi yake dhidi ya ubaguzi wa kitabaka na kijinsia. Alihudumu kama mkurugenzi mtendaji wa Navsarjan Trust, shirika kubwa zaidi la India la haki za jamii ya ya hali ya chini Dalits (zamani walijulikana kama wasiogusika).

    Mwaka huu, alianzisha na wenzie Baraza la Kitaifa la Viongozi Wanawake. Pia alianzisha taasisi ya Wise Act of Youth Visioning and Engagement, ambayo inalenga kuwawezesha vijana waliotengwa nchini.

    Amekuwa mwanachama wa Mtandao wa Kimataifa wa Mshikamano wa Dalit, akiangazia haki za Dalit katika Mkutano wa Umoja wa Mataifa wa Kupinga Ubaguzi wa Rangi.

    *Ninataka ulimwengu uwe na huruma na upendo, ambapo wanawake kutoka jamii zisizo na uwezo wanaongoza njia kuelekea jamii yenye amani na haki.

  • Razma

    Afghanistan Mwanamuziki

    Mwanamuziki aliyekamilika, 'Razma' anapiga chombo ambacho kwa kawaida hutumiwa na wanaume. Mhitimu wa muziki na sanaa kutoka familia ya wanamuziki, amefanya kazi na wasanii maarufu nchini Afghanistan na kimataifa.

    Anasema kupitia muziki wake alikuwa na matumaini ya kuonyesha upande mwingine mpya wa Afghanistan kwa ulimwengu, lakini badala yake imekuwa "mwaka wa giza" kwa wanawake wa Afghanistan. Kama mwanamuziki ambaye hawezi tena kuimba au kucheza na wengine, imekuwa mbaya sana.

    Muziki ulipigwa marufuku wakati Taliban ilipoitawala nchi hiyo kuanzia mwaka 1996 hadi 2001 na 'Razma' anahofia historia inajirudia kwa wanamuziki wa Afghanistan.

    *Nikifikiria kuhusu jamii bila muziki na nyimbo hunifanya kuwa na huzuni zaidi kuliko hapo awali. Natumaini sauti za zilizozimwa za wanawake wa nchi yetu zinaweza kubadilishwa na kuwa kilio cha muda mrefu.

  • Rohila

    Afghanistan Mwanafunzi

    Rohila ni mwanafunzi ambaye ameathiriwa na kuondolewa kwa wasichana kwenye shule za sekondari za Afghanistan kwa amri ya Taliban. Masomo anayopenda zaidi ni Sayansi na Kiingereza na anatamani kuweza kujiunga na ndugu zake wa kiume kwenye mbio za shule kila asubuhi.

    Rohila anasema kuwa wasichana wachache sana katika kikundi chake cha urafiki wanapata mtandao na anatatizika kujifunza bila mwalimu.

    Ndoto yake ni kusoma Saikolojia na kupata ufadhili wa kusoma nje ya nch

    *Afghanistan sasa imetengwa na ulimwengu, na ndoto zangu za kufuata elimu yangu nahisi ni bure. Natumai jumuiya ya kimataifa haitatusahau, na miaka yetu ya bidii haitapotea.

  • Alba Rueda

    Argentina Mwanaharakati

    Mtu wa kwanza aliyejibadilisha jinsia kushika wadhifa wa juu serikalini nchini mwake, Alba Rueda ni katibu wa Argentina wa sera za utofauti katika wizara ya wanawake, jinsia na tofauti.

    Mwanaharakati na msomi, yeye ni uso wa Trans Women Argentina, shirika ambalo lilifanya kampeni ya mswada wa upendeleo wa wafanyikazi ambao unahifadhi 1% ya kazi katika sekta ya umma kwa watu waliobadili jinsia na watu wanaobadili jinsia. Muswada huo muhimu ulipata uungwaji mkono mkubwa katika kongamano na kuwa sheria mnamo Juni 2021.

    Mnamo 2019, Rueda alimshtaki askofu mkuu wa Kanisa Katoliki ambaye alikataa kubadilisha rekodi za kanisa lake ili zilingane na jina na jinsia kwenye hati yake ya kitambulisho cha kitaifa.

    *2021 imeonyesha athari kubwa ya sera za kiuchumi katika kuzaliana kwa ukosefu wa usawa. (Tunapaswa kukuza) sera zenye mtazamo wa uhamishaji ufeministi unaoturuhusu kujenga aina zingine za uhusiano na kukuza utunzaji wa pamoja na wa jamii.

  • Ruksana

    Afghanistan Daktari wa upasuaji

    Dr Ruksana ni daktari wa upasuaji na profesa msaidizi. Yeye ndiye mwanzilishi wa shirika ambalo hutoa huduma za afya za kimsingi kwa wagonjwa ambao wamehamishwa kutoka majimbo mengine ya Afghanistan kutokana na mzozo.

    Amefanya kazi katika mazingira yenye uhasama wakati wa vipindi tofauti vya mapigano, akitoa msaada wa matibabu kwa walio hatarini zaidi. Yeye ni mfanyakazi wa kujitolea katika Mpango wa Kitaifa wa Kudhibiti Saratani na kwa sasa anaendesha uhamasishaji wa saratani ya matiti.

    Ana shauku juu ya kazi anayofanya katika upasuaji na anatumai kuwa chanzo cha kuwavutia wanafunzi wanaosomea udaktari nchini Afghanistan.

    *Kila mabadiliko makubwa ni matokeo ya kujitolea kwa kiongozi. Labda nisiwe kiongozi, lakini nitasalia Afghanistan kuleta mabadiliko kwa mfumo wa afya uliodumaa na mbovu hapa.

    Makala zinazohusiana

  • Halima Sadaf Karimi

    Afghanistan Mwanasiasa na mbunge wa zamani

    Mtungasheria na mbunge wa zamani wa Bunge la Afghanistan kutoka jimbo la kaskazini la Jowzjan, Halima Sadaf Karimi ni mwanasiasa mwenye uzoefu wa miaka mingi.

    Alikuwa mmoja wa takriban wabunge 70 wanawake katika nchi yake, na mwanamke pekee kutoka jamii ya wachache ya Uzbekistan katika bunge, ambapo alipigania kuendeleza haki za jumuiya yake. Ana shahada ya Sayansi ya Siasa na Uchumi. Mwanaharakati mashuhuri wa haki za wanawake, Sadaf Karimi alipokea vitisho vingi kutoka kwa Taliban na ilimbidi kuhama mara kadhaa.

    Mnamo 2020, kaka yake mdogo, mwanafunzi wa chuo kikuu, aliuawa na vikosi vya Taliban.

    *Mapambano binafsi daima yamekuwa yakishindwa mapema. Matumaini yangu ni kwamba wanawake wa Afghanistan watapata haki zao za kibinadamu kupitia ushiriki - kisiasa, kitamaduni, kiuchumi na kijamii - na kwa kufanya hivyo, kutazuia mgogoro wa kibinadamu.

  • Roya Sadat

    Afghanistan Mtengeneza filamu

    Yuko kwenye kazi yake kwa zaidi ya miongo miwili - na kuingia kwenye orodha ya kuwania tuzo za Oscar. Mtayarishaji na mwongozaji wa filamu Roya Sadat alikuwa muongoza filamu wa kwanza wa kike nchini humo kuibuka wakati wa utawala wa Taliban na filamu zake zinaangazia sauti za wanawake wa Afghanistan, maisha yao na vizuizi vilivyowekwa dhidi yao.

    Filamu yake ya 2017 ya A Letter to the President ilichaguliwa kutoka Afghanistan kwa Filamu Bora ya Kigeni katika Tuzo za 90 za Academy.

    Sadat ni rais na mwanzilishi mwenza wa ROYA Film House, kampuni huru ya filamu na anasifiwa kwa kuanzisha Tamasha la Kimataifa la Filamu za Wanawake nchini Afghanistan, ambalo pia anahudumu kama rais.

    *Katika kipindi cha miaka mitano ya kwanza ya utawala wa Taliban, nilitumaini kwamba mambo yameisha na milango ya shule ingefunguliwa kwa ajili yangu. Leo bado naamini katika sauti ya uhuru, sauti zaa watu, zitashinda.

  • Shogufa Safi

    Afghanistan Muongoza muziki

    Kama kiongozi wa Zohra, bendi ya ala ya kwanza ya wanawake Afghanistan, Shogufa Safi anaongoza kundi la wanamuziki wenye umri wa miaka 13 hadi 20, ambao baadhi yao ni maskini au ni yatima.

    Likitumia jina la mungu wa kiajemi wa muziki, kundi la Zohra hupiga muziki mbalimbali wa jadi wa Afghanistan na ule wa Magharibi, liliburudisha kwenye majukwaa ya kitaifa na kimataifa tangu 2014.

    Kundi la Taliban kwa sasa limefunga Taasisi ya Taifa ya Muziki ya Afghanistan (ANIM) ambako Safi aliwahi kufanya mazoezi. Baada ya kufanikiwa kukimbilia Doha, yeye na baadhi ya wenzake - ambao walilazimika kuacha ala zao za muziki Afghanistan - kwa muda mrefu kuweza kuburudisha pamoja.

    *Matumaini hayashindwi kamwe. Hata katika giza kuu, ninaamini kijiti changu kitakuwa mwanga wa matumaini na mwanga kwa Afghanistan.

  • Sahar

    Afghanistan Mwanasoka

    Mmoja wa wasichana wengi wanaotaka kucheza mpira wa miguu nchini Afghanistan, lakini hawezi tena chini ya utawala wa Taliban. Sahar kwa miaka michache iliyopita aliichezea timu ya mpira wa miguu ya mtaani na alikutana na marafiki wengi kupitia kucheza michezo.

    Wakati Taliban ilipochukua nchi mwaka huu, alijificha na familia yake, kabla ya kusafirishwa kwenda nchi ya kigeni.

    Bado ana hofu kuhusu wachezaji wenzake aliowaacha nchini, lakini ana matumaini kwamba sasa anaweza kutimiza ndoto zake za kurudi uwanjani kucheza mpira wa miguu.

    *Nataka kuendelea na elimu yangu na kujaribu kwa bidii kufikia malengo yangu ya kuifanya familia yangu - na mimi mwenyewe - kujivunia mafanikio yangu. Nataka mafanikio ili asiwepo mtu atakayesema kwamba wasichana hawawezi kucheza mpira wa miguu.

  • Soma Sara

    Uingereza Mwanzilishi - Everyone’s Invited

    Akaunti ya Virusi ya Instagram na tovuti ya Everyone’s Invited,, jukwaa la waathiriwa wa unyanyasaji wa kijinsia, lilianzishwa na Soma Sara mnamo Juni 2020. Linatoa fursa kwa waathiriwa kutoa ushuhuda wa unyanyasaji wa kijinsia bila kujulikana, kukemea ubaguzi wa kijinsia na kusaidia kutokomeza "utamaduni wa ubakaji" nchini Uingereza katika shule na vyuo vikuu.

    Mradi huo umekusanya simulizi zaidi ya 50,000 tangu uanze, na kupata umaarufu baada ya mauaji ya Sarah Everard, ambaye alitekwa nyara katika mtaa moja London mnamo Machi 2021.

    Sara anatarajia kupanua kampeni yake zaidi ya taasisi za kitaaluma, ili kulenga pia kupinga chuki dhidi ya wanawake.

    *Nataka ulimwengu kuwasikiliza, kuwaunga mkono na kuwaamini waathirika wa ukatili wa kijinsia.

  • Mahbouba Seraj

    Afghanistan Mtetezi wa haki za wanawake

    Baada ya miaka 26 mafichoni Marekani Mahbouba Seraj alirejea nchini mwake Afghanistan mwaka wa 2003. Tangia hapo amechangia kuanzisha na kusimamia mashirika ya kupigania haki za wanawake na watoto ikiwemo Afghan Women' Network ,nguzo muhimu katika vugu vugu la kutetea haki za wanawake

    Amejitolea maisha yake kuwawezesha waathirika wa unyanyasaji wa majumbani, kupigania afya na elimu kwa watoto, na kupambana na rushwa. Wakati Taliban iliporejea madarakani agosti 2021, hakuwaacha watu wake na kwa ujasiri alipaza sauti kuelezea wasiwasi wa wanawake wa Afghanistan kupitia vyombo vya habari vya ndani na vya kimataifa.

    Jarida la TIME lilimtaja kama mmoja wa 'watu 100 wenye ushawishi mkubwa zaidi wa mwaka 2021'.

    *Amani ni tamanio langu kuu kwa nchi yangu. Sitaki kuona sura ya hofu machoni pa dada zangu na mabinti zangu kwa mustakabali usiojulikana ukiwasubiri. Inatosha!

  • Elif Shafak

    Ufaransa Mwandishi wa riwaya

    Mwandishi wa Kituruki-Uingereza aliyeshinda tuzo na mtetezi wa haki za wanawake na LGBTQ+

    Elif Shafak amechapisha vitabu 19, kikiwemo 10 Minutes 38 Seconds in This Strange World, ambacho kiliorodheshwa kwenye Tuzo ya Booker, na he Forty Rules of Love, kilichaguliwa kama moja ya Riwaya 100 za BBC zilizoboresha Ulimwengu. Kazi yake imetafsiriwa katika lugha zaidi ya 50.

    Shafak ana shahada ya uzamivu katika sayansi ya siasa na amefundisha katika vyuo vikuu nchini Uturuki, Marekani na Uingereza. Mnamo 2021, alitunukiwa Tuzo ya Kimataifa ya Fasihi ya Halldór Laxness kwa mchango wake katika "sanaa ya simulizi".

    *Mashariki na Magharibi kila mahali, tunasimama kwenye njia panda kuu. Ulimwengu wa zamani haupo tena - badala ya kujaribu kurudi nyuma, tunaweza kujenga ulimwengu bora na wa haki ambapo hakuna mtu aliyeachwa nyuma.

  • Anisa Shaheed

    Afghanistan Mwandishi wa habari

    Mmoja wa wanahabari mashuhuri wa Afghanistan, kwa zaidi ya muongo mmoja Anisa Shaheed aliandika habari kuhusu ukiukwaji wa haki za binadamu, siasa na ufisadi. Alifanya kazi katika chombo cha habari cha TOLO, mojawapo ya chaneli zenye ushawishi mkubwa nchini, na aliangazia habari zinazotokea punde.

    Shaheed alipokea vitisho vya moja kwa moja kwa kuwa mwandishi wa habari na mwanamke na ilimbidi kutoroka baada ya Taliban kurejea madarakani tarehe 15 Agosti. Mnamo 2020, shirika la Waandishi wa habari wasio na mipaka lilitambua "ujasiri" wa wa kuripoti wakati wa milipuko ya virusi vya korona.

    Mnamo 2021, alitajwa kuwa mwandishi wa habari bora wa mwaka na "mfano wa uhuru wa kujieleza" na mtandao wa Free Speech Hub wa Afghanistan.

    *Katika kilele cha kuhama na kukata tamaa, ninatumai kuiona Afghanistan ikiwa katika amani. Natumai kuona wanawake na wasichana wakitabasamu. Na ninatumaini ninaweza kurudi katika nchi yangu ya asili, nyumba yangu, na kazi yangu.

  • Mina Smallman

    Uingereza Kuhani na mwalimu

    Alikua shemasi mkuu wa kwanza wa kike wa Kanisa la Uingereza kutoka asili ya watu weusi au wa kabila ndogo mnamo 2013. Sasa kasisi na mwalimu wa shule wa Kianglikana aliyestaafu, Mina Smallman amekuwa akifanya kampeni kufanya mitaa ya Uingereza kuwa salama na kufanya mageuzi katika polisi.

    Binti zake wawili waliuawa mwaka wa 2020: Nicole Smallman na Bibaa Henry waliuawa kwa kuchomwa kisu na kijana wa miaka 19 katika bustani ya London. Smallman alikosoa jinsi polisi walivyoshughulikia simu ya kwanza ya watu waliopotea na kusema wasichana wake wawili wanaweza kuwa wahasiriwa wa "kuchambua rangi" na "tabaka.

    Anasema amemsamehe muuaji wa binti zake: "Tunapomchukia mtu, sio wao tu waliofungwa, ni wewe, kwa sababu mawazo yako yanatawaliwa na kisasi. Ninakataa kumpa mamlaka hayo.

    *Kama mwalimu na kasisi, nimejitolea maisha yangu kuwalea wavulana na wasichana ambao watu walidharau. Ninawaomba kila mmoja wenu aseme unaposikia ubaguzi. TUNAWEZA kubadilika.

  • Barbara Smolińska

    Poland Mwanzilishi- Reborn Sugar Babies

    Wanasesere "waliozaliwa upya" wenye uhalisia wa hali ya juu huwasaidia baadhi ya wanawake kuharibu mimba, na kwa wengine huwasaidia kukabiliana na wasiwasi, mfadhaiko na masuala ya uzazi. Msanii kutoka Poland Barbara Smolińska ni mbunifu na mtengenezaji wa wanasesere, anayeunda wanasesere wanaofanana na maisha ambao wanaweza kutumika kama wasaidizi wa matibabu.

    Mwanamuziki wa zamani, mwenye mafunzo ya kitaaluma katika cosmetology na ndiye mwanzilishi wa kampuni yake, Reborn Sugar Babies. Wanasesere wake waliotengenezwa kwa mikono wametumiwa katika filamu na kutoa mafunzo kwa madaktari, wauguzi na wakunga kwenye taasisi za matibabu.

    Smolińska anapenda sanaa yake na anaamini kwamba ubunifu wake huwapa wanawake matumaini na kuboresha afya yao ya akili.

    *Ningependa watu wawe na huruma zaidi, wazi zaidi na wastahimilivu mambo tofauti, kama ilivyo kwa matibabu ya wanasesere waliozaliwa upya, ambayo inaweza kusaidia wanawake wengi.

  • Ein Soe May

    Myanmar Mwanaharakati anayeunga mkono demokrasia

    Baada ya kukamatwa na utawala wa kijeshi Myanmar Ein Soe May(Sio jina lake halisi)alisalia korokoroni kwa miezi sita hadi alipoachiliwa chini ya msamaha uliotolewa maajuzi.Alishikiliwa katika mojawapo ya vituo vingi vya kijeshi vya kuhojiwa na gereza linaloogopwa la Insein na anaelezea muda wake jela kama kipindi kigumu sana na anadai kunyanyaswa kiakili na kupigwa

    Tangu akiwa mwanafunzi, mwanaharakati huyo mchanga amekuwa akishiriki katika shughuli nyingi za kampeni katika ngazi za chini. Baada ya mapinduzi ya kijeshi mnamo Februari 1, Soe May alikua sehemu ya vuguvugu linalopinga jeshi la nchi hiyo, ikijumuisha maandamano ya "pots and pans" mnamo Februari na "mgomo wa kimya kimya" mwishoni mwa Machi.

    Tangu kuachiliwa kwake, ameanza tena shughuli zake za kisiasa.

    *Laiti ulimwengu ungeweza kuwekwa upya... Tunataka kushinda janga hili kwa mafanikio na kujenga jamii yenye amani. Tunatumai kuwa udikteta wote duniani utapinduliwa na demokrasia ya kweli na ya amani itaanzishwa.

  • Piper Stege Nelson

    Marekani Afisa Mikakati ya Umma - The Safe Alliance

    Kwenye The Safe Alliance huko Austin, Texas, afisa mkuu wa mikakati ya umma Piper Stege Nelson anafanya kazi na jamii kukomesha unyanyasaji wa watoto, unyanyasaji wa kijinsia, unyanyasaji wa nyumbani na biashara ya ngono.

    Shirika hilo linawashauri vijana waathiriwa wa ubakaji ambao hawawezi tena kupata huduma za uavyaji mimba, kwani sheria mpya ya serikali inapiga marufuku kuachishwa kazi mapema wiki sita baada ya ujauzito.

    Stege Nelson amejitolea maisha yake katika kuendeleza haki za wanawake na wasichana. Amefanya kazi na mpango wa Michelle Obama wa Let Girls Learn na kwa Annie' list, kamati ya utekelezaji wa kisiasa inayojitolea kuongeza idadi na mafanikio ya wanawake katika siasa.

    *Covid-19 tayari umeleta mabadiliko ya kijamii - watu wanahisi kuwa na uwezo wa kuzungumza juu ya kile ambacho ni muhimu. Changamoto iliyopo sasa ni kuelimisha kila mwanaume, mwanamke na mtoto kuhusu umuhimu wa uhuru wa mwili na ridhaa.

  • Fatima Sultani

    Afghanistan Mpanda milima

    Baada ya kuanza kupanda mlima kama kitu anachokienda mnamo 2019, Fatima Sultani akafanya kuwa dhamira yake kupata wasichana wa Afghanistan wanaopenda kupanda milima.

    Aliandika historia wakati, akiwa na umri wa miaka 18, alipanda hadi kilele cha Noshakh - katika mita 7,492, kilele katika safu ya milima ya Hindu Kush ni kilele cha juu zaidi Afghanistan - na kuwa mwanamke mdogo zaidi kuwahi kufanya hivyo. Alikuwa sehemu ya timu ya wapanda milima tisa wa Afghanistan, watatu kati yao wakiwa wanawake.

    Mwanaspoti mahiri, Sultani amekuwa mwanachama wa timu ya taifa ya ndondi, taekwondo na jiu jitsu kwa miaka saba iliyopita.

    *Wanawake wa Afghanistan wamepigania uhuru na haki zao kwa miaka 20. Walipanda milima mirefu na kujitengenezea jina. Natumai wako huru kupanda tena milima mirefu, ndani na nje ya nchi.

    Makala zinazohusiana

  • Adelaide Lala Tam

    China Mbunifu

    Msanii na mbunifu wa vyakula ambaye kazi yake huchunguza chaguo za maisha tunazofanya, hasa kuhusiana na uhusiano wetu wa kisasa na chakula.

    Mzaliwa wa Uchina, Adelaide Lala Tam baadaye alikua mkazi wa kudumu wa Hong Kong na kwa sasa anaishi na kufanya kazi Uholanzi. Sanaa yake inachambua kwa kina uzalishaji wa chakula viwandani na kuwataka watumiaji kutathmini upya kile wanachokula na wajibu wao katika uzalishaji wake.

    Mnamo mwaka wa 2018, alishinda tuzo za jury na za umma kwenye Tuzo za Ubunifu wa Chakula cha Baadaye, na usakinishaji wa media-mseto unaoangazia mchakato wa kuchinja ng'ombe. Yeye ni mmoja wa "50 Next" ya 2021, orodha ya tasnia inayoangazia watu wanaounda mustakabali wa elimu ya chakula.

    *Ulimwengu umebadilika sana mwaka wa 2021. Sasa ninataka ulimwengu uwe na huruma zaidi kwa kile tunachokula na kwa namna gani kinakuja mezani.

  • Sister Ann Rose Nu Tawng

    Myanmar Mtawa wa kikatoliki

    Mtawa huyo wa Kikatoliki alikua ishara ya maandamano ya Myanmar kufuatia kunyakua mamlaka kwa jeshi alipopiga magoti mbele ya polisi kuwaokoa waandamanaji waliokuwa wakikimbilia kanisani kwake.

    Picha yake akiwa ameshika mikono yake ilisambaa akiwakabili maafisa wa polisi waliokuwa na silaha nyingi ilisambaa kwenye mitandao ya kijamii mnamo Machi 2021, na kumsifia sana.

    Dada Ann Rose Nu Tawng amezungumza waziwazi kuhusu kuwalinda raia hasa watoto. Amepata mafunzo ya mkunga na ameongoza maisha ya huduma kwa miaka 20 iliyopita, hivi majuzi akiwahudumia wagonjwa wa Covid katika jimbo la Kachin la Myanmar.

    *Nimeshuhudia kwa huzuni kilichotokea huko Myanmar. Ikiwa ningeweza kufanya jambo fulani, ningewaachilia watu wote waliozuiliwa gerezani bila uhalali na ningefanya watu wawe sawa bila ubaguzi wowote.

  • Emma Theofelus

    Namibia Mwanasiasa

    Alikua mmoja wa mawaziri vijana zaidi barani Afrika - mwenye umri wa miaka 23 wakati wa uteuzi wake - mwaka jana. Emma Inamutila Theofelus ni mbunge na naibu waziri wa teknolojia ya habari na mawasiliano, akiwa na jukumu la kuongoza juhudi rasmi za mawasiliano za Covid-19 nchini.

    Kabla ya hapo, alikuwa mwanaharakati wa vijana, akipigania usawa wa kijinsia, haki za watoto na maendeleo endelevu, spika katika bunge la vijana na meya mdogo wa Jiji la Windhoek, ambako alizaliwa.

    Theofelus ana shahada ya sheria kutoka Chuo Kikuu cha Namibia na stashahada ya ufeministi wa Kiafrika na masomo ya jinsia kutoka Chuo Kikuu cha Afrika Kusini.

    *Ulimwengu unaweza kuweka upya kupitia kuongeza kasi: tunahitaji kuharakisha utekelezaji wa mipango yote ambayo imekuwa ikitekelezwa kwa miaka mingi. Hakuna wakati wa kuchelewesha. Kwa kweli, tumeishiwa na wakati.

  • Sara Wahedi

    Afghanistan Mkurugenzi Mtendaji wa start-up Ehtesab

    Ni mwanzilishi wa taasisi ya teknolojia Afghanistan ya start-up Ehtesab, ambaye bidhaa yake ya kwanza ni programu ya kuhusu usalama na tahadhari kwa wakazi wa Kabul. Programu hiyo imeonekana kuwa muhimu katika kuwapa Waafghanistan habari juu ya asili na kiwango cha hatari karibu nao, kwa kutoa habari za kuaminika juu ya mashambulizi ya kifaa cha kulipuka kilichoboreshwa (IED), vipigo vya umma na uvamizi majumbani.

    Mnamo 2022, Sara Wahedi anatarajia kuzindua huduma ya SMS, kuruhusu watu katika maeneo ya vijijini kupata huduma hiyo.

    Mjasiriamali huyo wa teknolojia ni mmoja wa "Viongozi wa Kizazi Kifuatacho" wa jarida la Time 2021 na kwa sasa anasomea sayansi ya haki za binadamu na data katika Chuo Kikuu cha Columbia

    *Haiwezi kuepukika kwamba Waafghanistan watainuka kwa umoja, wakitaka uchaguzi huru na wa haki na wakala wa kujenga upya nchi yetu. Ili kufikia hapo, harakati thabiti katika kupigania elimu na afya kwa wote kwa wasichana na wavulana ni muhimu.

  • Vera Wang

    Marekani Mbunifu wa mavazi

    Mbunifu mashuhuri wa mavazi ya harusi ambaye amekuwa mstari wa mbele katika mitindo tangu miaka ya 1970, Vera Ellen Wang ameongeza biashara yake ili kujumuisha manukato, uchapishaji, muundo wa nyumba na zaidi.

    Alizaliwa New York kwa wazazi wa Wachina na alikuwa mhariri mkuu wa mitindo huko Vogue na kisha mkurugenzi wa muundo wa Ralph Lauren. Yeye pia ni mwanariadha mwenye talanta na alishindana kitaaluma katika ujana wake wote.

    Yeye ni mwanachama wa Baraza la kifahari la Wabuni wa Mitindo wa Amerika, ambalo lilimtaja mbunifu wake wa mavazi ya wanawake wa mwaka wa 2005.

    *Sisi sote tuko hatarini kwenye mambo yanayofanana. Tunavyoweza kufanya kazi kwa pamoja mapema ili kujaribu kuokoa dunia yetu - na kwa njia yenye upeo, ndivyo maisha yetu - yanakuwa bora zaidi.

  • Nanfu Wang

    China Mtengenez filamu

    Asili yake ni kijiji kimoja nchini Uchina, mtengenezaji wa filamu aliyeshinda tuzo Nanfu Wang kwa sasa anaishi na kufanya kazi Marekani.

    Filamu yake ya kwanza ya 2016, Hooligan Sparrow, iliorodheshwa kama makala bora katika tuzo za Academy. Pia aliongoza filamu za One Child Nation (2019) na In the Same Breath (2021), ambayo inaangalia jinsi serikali za Uchina na Amerika zilivyoshughulikia mlipuko wa Covid-19.

    Wang alikulia katika umaskini lakini ana shahada tatu za Uzamili, kutoka vyuo vikuu vya Shanghai, Ohio na New York. Alitunukiwa MacArthur genius grant mnamo 2020 kwa "kutengeneza tafiti za wahusika ambazo huchunguza athari za utawala wa kimabavu, ufisadi na ukosefu wa uwajibikaji".

    *Dunia nzima inaonekana kuwa na hamu ya kurudi katika hali ya kawaida, lakini hali ambayo tulifikiria kuwa ya kawaida ndiyo iliyosababisha mgogoro tunaoishi sasa.

  • Roshanak Wardak

    Afghanistan Daktari wa uzazi kwa wanawake

    Mbunge wa zamani na daktari bingwa wa magonjwa ya wanawake, Dk Roshanak Wardak ametoa huduma za matibabu kwa wanawake kwa zaidi ya miaka 25, hata kufanya kazi wakati wa kipindi cha kwanza cha Taliban madarakani kama daktari pekee wa kike katika jimbo la nyumbani la Maidan Wardaki.

    Baada ya kuanguka kwao mnamo 2001, alikua mbunge. Wilaya yake imekuwa chini ya udhibiti wa Taliban kwa miaka kumi na mitano iliyopita na, kama maeneo mengi ya mashambani, ilishuhudia mapigano makali yakihusisha vikosi vya Nato.

    Aliiambia BBC kuwa Taliban kushika hatamau na kumalizika kwa vita kulionekana kama 'ndoto'. ‘Nilikuwa nikingoja siku hii kuwaondoa hawa watu wala rushwa mamlakani,’ alisema. Lakini hivi sasa analenga kujaribu kufanya shule zifunguliwe tena, na kuvunja ahadi za Taliban kumemfanya kuwa kupigia debe na kuwa mtetezi wazi wa elimu kwa wasichana.

    *Matumaini yangu pekee ni kwa Afghanistan kuwafanya viongozi wa serikali katika kipindi cha miaka 40 iliyopita kuwajibika kwa matendo yao dhidi ya taifa.

  • Ming-Na Wen

    Macau Muigizaji

    Sauti ya Fa Mulan katika filamu za uhuishaji za Mulan (1998) na Mulan II (2004), Ming-Na Wen pia ameigiza katika tamthilia maarufu ya matibabu ya Kimarekani ER na in Inconceivable, mojawapo ya filamu chache za televisheni za Marekani na Mwaamerika. muigizaji mkuu.

    Hivi sasa anacheza kama Fennec Shand kwenye Disney+ tamthilia maarufu ya The Mandalorian, na pia ataonekana katika tamthilia ijayo, The Book of Boba Fett. Mnamo 2019 Ming-Na alipewa jina la "Disney Legend.

    Atakuwa atatumbiliwa kwenye Hollywood Walk of Fame mnamo 2022.

    *Kuanza upya si chaguo halisi, kwa nini ujisumbue kurudi nyuma? Ninaamini kila kitu kinatokea kwa sababu. Kila siku mpya ni kuanza upya. Kwa hivyo ishi kwa leo kwa shukrani.

  • Rebel Wilson

    Australia Muigizaji,mwandishi na mtayarishaji

    Gwigi la Hollywood: mwigizaji, mwandishi, mtayarishaji na mkurugenzi - na mhitimu wa sheria. Kazi yake ya uigizaji ilianza kwenye hatua za Sydney, ambapo mara nyingi aliandika kazi yake mwenyewe, na alijitengenezea jina katika vichekesho vya Australia kabla ya kuhamia Merika mnamo 2010.

    Akiingia kwa mara ya kwanza wa Hollywood, alijiunga na waigizaji wa vichekesho vilivyoongozwa na wanawake vya Bridesmaids. Alishiriki katika Jojo Rabbit aliyeshinda Oscar lakini labda anajulikana zaidi kama Fat Amy katika wimbo wa trilogy wa muziki wa Pitch Perfect.

    Mnamo 2022, Wilson atakuwa akiongoza filamu yake ya kwanza.

    *Utofauti, heshima na ushirikishwaji vinapaswa kuwa visivyoweza kujadiliwa katika nyanja zote za maisha.

  • Benafsha Yaqoobi

    Afghanistan Mwanaharakati wa walemavu

    Yaqoobi na mumewe, ambao wote ni vipofu, walianzisha Shirika la Rahyab kutoa elimu na urekebishaji kwa watu wasioona nchini Afghanistan. Mwanaharakati wa haki za binadamu Benafsha Yaqoobi pia aliwahi kuwa kamishna katika Tume Huru ya Haki za Kibinadamu ya nchi hiyo, inayolenga kusomesha watoto wasioona.

    Kufuatia uvamizi wa Taliban, alilazimika kuondoka nchini lakini bado ni mtetezi mkubwa wa haki za watu wenye ulemavu, ambao anahofia kukabiliwa na ubaguzi kutoka kwa Taliban.

    Kukosekana kwa huduma na ubaguzi bado ni masuala mazito nchini Afghanistan, ambayo ina mojawapo ya idadi kubwa zaidi ya watu wenye ulemavu, kwa sababu ya miongo kadhaa ya migogoro.

    *Kama kuna matumaini yoyote, itakuwa kwangu kuiona nchi yangu tena ikiwa na uhuru zaidi, na kujumuishwa zaidi kwa sisi sote Waafghan kufanya kazi kwa maendeleo yake.

  • Malala Yousafzai

    Pakistan Mwanzilishi mwenza, Malala Fund

    Mshindi mdogo zaidi wa Tuzo ya Amani ya Nobel, Malala Yousafzai ni mwanaharakati wa elimu ya wasichana wa Pakistani na Mjumbe wa Amani wa Umoja wa Mataifa. Amekuwa akizungumzia kuhusu haki ya wasichana kupata elimu tangu akiwa na umri wa miaka 11.

    Malala alianza harakati zake za kutaarifu BBC kuhusu maisha chini ya utawala wa Taliban nchini Pakistani na kupiga marufuku kwao wasichana kuhudhuria shule. Mnamo Oktoba 2012, mtu mwenye bunduki alipanda basi lake akimtafuta na kumpiga risasi kichwani..

    Kufuatia kupona kwake, ameendelea na kazi yake kama mwanzilishi mwenza wa Shirika lisilo la kiserikali la Malala Fund, akijenga ulimwengu ambapo kila msichana anaweza kujifunza na kuongoza bila hofu.

    *Mamia ya mamilioni ya wasichana hawako shuleni leo. Ninataka kuona ulimwengu ambapo kila msichana anaweza kupata miaka 12 ya elimu ya bure, salama na bora. Ambapo wasichana wote wanaweza kujifunza na kuongoza.

  • Yuma

    Mwanasaikolojia

    Alilazimika kuondoka Urusi kufuatia msukosuko wa ushiriki wake katika tangazo la duka kubwa lililoangazia familia yake katika sherehe ya kujivunia mashoga Agosti mwaka jana. Mwanasaikolojia na mwanaharakati wa LGBTQ+, Yuma kwa sasa anaishi Uhispania.

    Yuma (ambaye ameomba kuhifadhi jina lake la ukoo) alikua mwanaharakati baada ya Urusi kupitisha sheria ya "propaganda za mashoga" mnamo 2013, kupiga marufuku "kukuza uhusiano wa kimapenzi usio wa kitamaduni kwa watoto".

    Anatoa msaada wa kisaikolojia kwa watu wa LGBT kutoka Chechnya ambao wanasema waliteswa na polisi wa Urusi mnamo 2017-2018. Pia anaunga mkono sherehe na matukio ya LGBT ndani ya Urusi.

    *Kujitenga kwa lazima kumeonyesha jinsi uhusiano wa karibu ni muhimu. Inapatana na akili kuangalia kile tunachofanya ulimwenguni ambacho tungependa kuwafanyia wapendwa wetu.

  • Zala Zazai

    Afghanistan Polisi

    Naibu mkuu wa kwanza wa kike katika idara ya uchunguzi wa jinai ya polisi katika mkoa wa Khost nchini Afghanistan, eneo ambalo lilizidi kuyumbishwa na shughuli za vikundi vya waasi. Luteni wa Pili Zala Zazai alikuwa mmoja wa maafisa wa polisi wa kike wapatao 4,000 nchini humo na alipata mafunzo ya kitaaluma kutoka chuo cha polisi cha Uturuki.

    Wakati wa shughuli zake alikabiliwa na vitisho kutoka kwa wafanyakazi wenzake wa kiume, pamoja na vitisho vya kuuawa kutoka kwa waasi.

    Kufuatia Taliban kuiteka Afghanistan mwaka 2021, Zazai alilazimika kuikimbia nchi yake. Tangu wakati huo ameelezea wasiwasi wake kuhusu usalama wa maafisa wengine wa polisi wa kike waliolazimishwa kujificha nchini Afghanistan.

    *Ndoto yangu katika siku zijazo ni kuvaa sare zangu tena, kukabiliana na utamaduni na na mfumo dume. Ninataka kufanya kazi kwa ajili ya wanawake wa Afghanistan tena katika sehemu ya mbali ambapo wanawake hawana haki ya kufanya kazi.