Di Saraki family political waka
Pikin dem from some ogbonge family for Nigeria don tanda for different political office. Example na Nigeria Senate presido, Bukola Saraki wey be one of di pikin dem for di Saraki family. Afta im loss for di PDP presidential primaries wey dem just do finish, we wan look di ogbonge positions wey members of di Saraki family don enta.
Abubakar Olusola Saraki -
Abubakar Olusola Saraki
(May 1933 - November 2012)
Na doctor wey later join politics, come serve as senator for Nigeria Second Republic (1979- 1983) and na im be di senate leader dat time. E die for 14 November 2012.
Political Waka
  • 1977
    Dem vote am as member of di Constituent Assembly wey produce di 1979 law.
  • 1979
    Dem vote am as senator for di Second Republic
  • 1983
    Dem re-vote am enta inside senate under National Party of Nigeria (NPN).
  • 2001
    Na head of one team from di Arewa Consultative Forum wey be culture and politics group from North, wey dem send go meet and tok wit Northern govnors and oda leader for evri-everi to dey ok.
  • 2003
    E support im son, Bukola Saraki to contest for Kwara state govnor position.
  • 2003
    E support im daughter, Gemisola Saraki to contest for senate wey go represent Kwara State Central.
Abubakar Bukola Saraki -
Abubakar Bukola Saraki
(December 1962 till now)
E be Medical Doctor. E be di pikin of Nigerian politician, Olusola Saraki wey don die. E later join politics and come be di govnor for Kwara state for 2003.
Political Waka
  • 2003
    Dem vote am as Govnor for Kwara state
  • 2007
    Dem re-vote am as Govnor for Kwara state
  • 2011
    Dem vote am enta senate under the People's Democratic Party (PDP), to represent Kwara Central senatorial district.
  • 2015
    Dem re-vote am enta senate under All Progressive Congress (APC)
  • 9 June
    E become presido of di Senate 8th Assembly.
  • 31 July
    E run go join People's Democratic Party (PDP)
  • 30 August
    E announce im plan to contest for 2019 presidential election
  • 6 October
    E loss PDP presidential ticket to Atiku Abubakar.
Gbemisola Ruqayyah Saraki -
Gbemisola Ruqayyah Saraki
(May 1965 - till now)
She be Economist and Insurance pesin. She be di younger sisiter to Senate President, Bukola Saraki and pikin to late Senator Bukola Saraki, wey be Senate leader for di Second Republic.
Political Waka
  • 1999
    Dem vote am enta House of Representative to represent Asa/Ilorin West Federal Constituency, Kwara State.
  • 2003-2011
    Na Senator wey dey represent Kwara Central Senatorial district under People's Democratic Party (PDP).
  • 2015
    Loss di govnor ticket for Kwara State under PDP.
  • 7 April
    leave PDP go join All Progressive Congress (APC)
  • 2016
    President Muhammadu Buhari put am as pro Chancellor and Chairpesin for Federal University Otuoke, Bayelsa State.
  • 2018
    E announce say im support president Buhari plan to contest for 2019 presidential election.

Who get di foto dem

Getty Images, Facebook
More dey come from BBC Pidgin