Taoufik Makhloufi ni mwanariadha anayekimbia mbio za masafa ya kati (mita 800 na mita 1,500).

Alishiriki kwa mara ya kwanza katika michuano ya Olimpiki ya London 2012 na kushinda medali ya dhahabu katika mbio za mita 1,500 na medali za shaba mbili katika michuano ya Olimpiki ya Rio ya mwaka 2016.

Nijel Amos ni mwanariadha kutoka Botswana na mshindi wa medali ya fedha wa mbio za 800m wanaume katika michuano ya Olimpiki ya London ya mwaka 2012.

Michuano ya Tokyo 2020 itakuwa ni Olimpiki a tatu kwake.

Hugues Fabrice ni mwanariadha wa Burkina Faso anayecheza mchezo wa miruko mitatu ambaye alinyakua medali ya shaba katika mashindano ya dunia ya riadha ya mwaka 2019

Francine Niyonsaba ni mwanariadha wa Burundi ambaye alishinda medali ya fedha katika michuano ya Olimpiki ya Rio mwaka 2016 na michuano ya dunia ya riadha ya mwaka 2017 katika upande wa mbio za mita 800.

Marie-Josée Ta Lou ni mkimbiaji wa mbio fupi za mita 100 na 200.

Ni mshindi wa medali ya shaba kwa wanawake katika mashindano ya riadha ya dunia ya mwaka 2019 na alishika nafasi ya nne katika michuano ya Olimpiki ya Rio 2016 katika mbio za 100m na 200m.

Letesenbet Gidey ni mkimbiaji wa mbio ndefu kutoka Ethiopia ambaye anashikilia rekodi ya dunia ya mbio za mita 5,000 na hivi karibuni amevunja rekodi ya mita 10,000.

Alishinda medali ya shaba katika mashindano ya riadha ya dunia katika mbio za mita 10,000 mwaka 2019.

Selemon Barega ni mkimbiaji wa mbio ndefu kutoka Ethiopia ambaye alishinda medali ya fedha katika michuano ya riadha ya dunia kwenye mbio za mita 5,000 mwaka 2019.

Michuano ya Tokyo 2020 itakuwa ndiyo olimpiki yake ya kwanza.

Yomif Kejelcha ni mwanariadha wa Ethiopia ambaye Tokyo 2020 itakuwa ni michuano yake ya awali ya Olimpiki.

Kejelcha ameshinda medali ya dhahabu katika mbio za mita 3,000 kwenye mashindano ya dunia ya ndani ya mwaka 2018.

Pia alishinda medali ya fedha katika mbio za 10,000m kwenye mashindano ya dunia ya riadha ya mwaka 2019.

Lelisa Desisa ni mkimbiaji wa mbio ndefu wa Ethiopia na mshindi wa medali ya dhahabu ya mbio za marathoni katika mashindano ya riadha ya dunia ya mwaka 2019.

Shura Kitata ni mwanariadha kutoka Ethiopia nayekimbia mbio ndefu.

Alishinda medali ya dhahabu katika michuano ya marathoni ya London mwaka 2020 na kumshinda gwii kutoka Kenya Eliud Kipchoge. Kitata alishika nafasi ya pili katika mbio hizo mwaka 2018 ambapo mshindi alikuwa Kipchoge.

Gudaf Tsegay ni mwanariadha wa Ethiopia anayekimbia mbio za masafa ya kati ambaye alivunja rekodi ya michuano ya ndani ya mbio za mita 1,500 huko Liévin, Ufaransa Februari 2021.

Alishinda medali ya shaba katika mashindano ya dunia ya riadha ya mwaka 2019.

Gina Bass ni mkimbiaji wa mbio fupi kutoka Gambia ambaye katika mashindano ya Afrika 2019 alishinda medali ya dhahabu katika mbio za mita 200 wanawake.

Michuano ya Tokyo 2020 itakuwa ni olimpiki yake ya pili.

Julius Yego ni mtupa mkuki kutoka Kenya ambaye alishinda medali ya fedha katika michuano ya Olimpiki ya Rio mwaka 2016.

Anafahamika kwa jina la utani la Mr Youtube kwa kuwa alinoa kipaji chake katika mchezo huo kwa kutazama video kupitia mtandao wa kijamii wa YouTube.

Brigid Kosgei ni mkimbiaji wa mbio ndefu kutoka Kenya ambaye ni mshindi wa mbio za marathoni za Chicago mwaka 2018 na 2019 na pia mshindi wa mbio za marathoni za London mwaka 2019 na 2020.

Kosgei anashikilia rekodi ya dunia kwa wanawake ya marathoni ya 2:14:04 ambayo aliiweka katika michuano ya marathoni ya Chicago ya 2019. Mashindano ya Tokyo yatakuwa Olimpiki yake ya kwanza.

Eliud Kipchoge ni mwanariadha nyota wa mbio ndefu kutoka kenya.

Gwiji huyu anashikilia rekodi ya dunia ya mbio za marathoni ya 2:01:39 ambayo aliiweka Septemba 16, 2018 katika michuano ya marathoni ya Berlin ya mwaka 2018.

Alishinda medali ya dhahabu katika michuano ya Olimpiki ya Rio mwaka 2016.

Beatrice Chepkoech anashikili rekodi ya dunia ya mbio za kuruka viunzi.

Mwanariadha huyo kutoka Kenya ni mshindi wa medali ya dhahabu kwa mbio za mita 3,000 kuruka viunzi katika mashindano ya dunia ya mwaka 2019.

Faith Kipyogen ni mkimbiaji wa mbio ndefu kutoka Kenya ambaye alishinda medali ya dhahabu ya mita 1,500 katika michuano ya Olimpiki ya Rio mwaka 2016.

Alishinda pia medali yafedha katika mashindano ya dunia 2017 na medali nyengine ya fedha 2019 katika mashindano ya dunia ya riadha.

Rababe Arafi ni mwanariadha kutoka Morocco ambaye alishinda medali ya dhahabu katika mbio za mita 1,500 wanawake kwenye michuano ya Ligi ya Almasi ya IAAF mwaka 2019.

Michuano ya Tokyo 2020 itakuwa ni olimpiki yake ya pili.

Soufiane El Bakkali ni mshindi wa medali ya fedha wa mbio za kuruka viunzi katika michuano ya dunia ya riadha ya IAAF ya mwaka 2017.

Michuano ya Rio 2016 ilikuwa ni Olimpiki yake ya kwanza.

Beatrice Masilingi ni mkimbiaji wa mbio fupi za mita 400 kutoka Namibia ambaye anarekodi ya kasi ya tatu ya vijana wa miaka chini ya 20.

Hata hivyo hataruhusiwa kushiriki mbio za mita 400 katika michuano ya olimpiki kwa kuwa na kiwango kikubwa cha homoni za kiume za testosterone, lakini ataruhusiwa kushiriki mbio nyengine.

Christian Mboma ni mkimbiaji wa mbio fupi kutoka Namibia ambaye amevunja rekodi ya mita 400 kwa wakimbiaji wenye umri chini ya miaka 20 mwaka 2021.

Hata hivyo hataruhusiwa kushiriki mbio za mita 400 katika michuano ya olimpiki kwa kuwa na kiwango cha juu cha homoni za kiume za testosterone, lakini ataruhusiwa kushiriki mbio nyengine.

Aminatou Seyni ni mwanariadha kutoka Niger ambaye alishiriki michuano ya dunia ya ya mwaka 2019.

Blessing Okagbare ni mwanariadha anayekimbia mbio fupi kutoka Nigeria.

Anashikilia rekodi ya mbio za mita 100 ya michuano ya Jumuiya ya Madola ya sekunde 10.75, lakini aliivunja rekodi hiyo katika mashindano ya kufuzu olimpiki ambapo aliandikisha muda wa sekunde 10.63 mwezi Juni 2021.

Rekodi hiyo sasa ndiyo kubwa zaidi barani Afrika na inafungana na ile iliyowekwa na mwanariadha wa Jamaica Shelly-Ann Fraser-Pryce mwaka 2021 pia.

Divine Oduduru alishiriki olimpiki kwa mara ya kwanza jiini Rio mwaka 2016.

Mwanariadha huyo alikuwa mkimbiaji wa mbio fupi pekee kwa upande wa wanaume kutoka Nigeria kufikia hatua ya nusu fainali.

Tobi Amusan mwanariadha anayeshiriki mbio fupi za kawaida na kuruka viunzi. Ni mshindi wa dhahabu katika mbio za mita 100 kuruka viunzi kwenye mashindano ya Jumuiya ya Madola 2018 yaliyofanyika Australia.

Alishiriki kwa mara ya kwanza michuano ya olimpiki Rio 2016 lakini aliishia nusu fainali.

Ese Brume ni moja kati ya wanariadha wa kike watatu kutoka Afrika ambao wameruka umbali wa mita saba ama zaidi.

Alishiriki michuano ya Olimpiki kwa mara ya kwanza Rio 2016 ambapo alimaliza katika nafasi ya tano.

Alishinda medali ya shaba katika michuano ya riadha ya dunia mwaka 2019.

Chukwuebuka Enekwechi ni mrusha tufe ambaye alishinda medali ya fedha katika michuano ya Jumuiya ya Madola ya mwaka 2018.

Pia alishika nafasi ya nane katika mashindano ya dunia ya mwaka 2019.

Usheoritse Itsekiri ni mwanariadha anayekimbia mbio fupi na mshindi wa medali ya shaba ya michuano ya Afrika.

Wayde Van Nierkerk ni mwanariadha anayekimbia mbio fupi kutoka Afrika Kusini amabye alishinda medali ya dhahabu katika mbio za mita 400 katika michuano ya Olimpiki ya Rio 2016.

Anashikilia rekodi ya dunia ya sekunde 43.03 akivunja rekodi ambayo iliwekwa na gwiji wa zamani wa Marekani Michael Johnson.

Akani Simbine ni mwanariadha anayekimbia mbio fupi kutoka Afrika Kusini ambaye alishinda medali ya dhahabu katika mbio za mita 100 kwenye michuano ya nchi za Jumuiya ya Madola.

Alishika nafasi ya nne katika mashindano ya dunia ya mwaka 2019.

Jacob Kiplima ni mkimbiajji wa mbio ndefu kutoka Uganda ambaye alishiriki mbio za mita 3,000 za IAAF ZA MWAKA 2020.

Michuano ya Tokyo ya 2020 itakuwa ni Olimpiki yake ya pili.

Ronald Musagala ni mwanariadha wa Uganda alishiriki kwa mara ya kwanza Olimpiki Rio 2016 akikimbia mita 1,500.

Alishinda medali za dhahabu katika Ligi ya Almasi ya mwaka 2019 katika miji ya London na Paris.

Joshua Cheptegei ni mkimbiaji wa mbio ndefu ambaye alishinda medali ya dhahabu katika mashindano ya wanaume ya dunia ya mwaka 2019 na kuandika rekodi mpya ya dunia ya mita 5,000 katika Ligi ya Almasi ya Monaco, mwaka 2020.

Peruth Chemutai ni mkimbiaji wa kuruka viunzi kutoka Uganda. Alikamilisha mbio za wanawake za viunzi za mita 3,000 katika michuano ya Olimpiki ya Rio ya mwaka 2016.

Alimaliza katika nafasi ya 5 mbio za wanawake za mita 3,000 katika mashindano ya dunia ya riadha ya mwaka 2019.